o na ethĩwa mũthembi ũla wetĩkĩw’e mauta akeeka naĩ na kwondũ wa ũu aiete ũthũkũ ĩũlũ wa andũ, nĩvo ĩndĩ namũthembee Yeova kwondũ wa naĩ yake ĩla wavĩtisye, kasalũ kate kĩema kethĩwe nthembo ya naĩ.
Na mũthembi akavake nthakame mbyanĩ sya kĩthembeo kya kũtoeesya ũvani wĩ mũuke mũseo mbee wa Yeova, kĩla kĩ ĩeemanĩ ya kũmbanĩa; na nthakame yonthe ya kala kasalũ akatulũĩle ĩtinanĩ ya kĩthembeo kya nthembo ya kũvĩvw’a, kĩla kĩ mũomonĩ wa ĩeema ya kũmbanĩa.
o kasalũ kau konthe akatwae ũtee wa mwako wa maeema vandũ vatheu, vala mũu wĩtawa, na kũkavĩvĩsya ĩũlũ wa ngũ na mwaki: vala mũu wĩtawa nĩvo kevĩvĩw’a.
Na ethĩwa ũmbano w’onthe wa Isilaeli ũkavĩtya, na ũndũ ũsu ũivithwa methonĩ ma ũmbano, na ethĩwa mekĩte ũndũ o na wĩva wa maũndũ ala Yeova weaie matikekwe, na nĩmatw’ĩka avĩtan’ya;
Na akavake nthakame mbyanĩ sya kĩthembeo kĩla kĩ mbee wa Yeova, kĩla kĩ ĩeemanĩ ya kũmbanĩa; na nthakame yonthe akatulũĩle ĩtinanĩ ya kithembeo kya nthembo ya kũvĩvw’a, kĩla kĩ mũomonĩ wa ĩeema ya kũmbanĩa.
Ũu nĩw’o ũkeka na kala kasalũ; otondũ wekie na kala kasalũ ka nthembo ya naĩ, o ta ũu akeke na kau; na mũthembi akathembe nthembo ya wĩw’anĩthyo kwondũ woo, na makaekewa.
Na mũthembi akose na kyaa kyake nthakame ya nthembo ya naĩ, na kũmĩvaka mbyanĩ sya kĩthembeo kya nthembo ya kũvĩvw’a; na nthakame yayo akatulũĩle ĩtinanĩ ya kĩthembeo kya nthembo ya kũvĩvw’a.
Na mathunya onthe mayo akavĩvĩsye kĩthembeonĩ, o ta mathunya ma nthembo ya nthembo sya mũuo; na mũthembi akathembe nthembo ya kũmwĩw’anĩthya ũsu nũndũ wa naĩ yake, nake akaekewa.
Na mũthembi akose na kyaa kyake nthakame yayo, na kũmĩvaka mbyanĩ sya kĩthembeo kya nthembo ya kũvĩvw’a; na nthakame yonthe akamĩtulũĩle ĩtinanĩ ya kĩthembeo.
Na mathunya onthe mayo akaumye, o tondũ mathunya maumaw’a nthembonĩ ya nthembo sya mũuo; na mũthembi akamavĩvĩsye kĩthembeonĩ methĩwe mũuke mũseo kwa Yeova; na mũthembi akathembe nthembo ya kũmwĩw’anĩthya ũsu, nake akaekewa.
Na mũthembi akose na kyaa kyake nthakame ya nthembo ya naĩ, na kũmĩvaka mbyanĩ sya kĩthembeo kya nthembo ya kũvĩvw’a; na nthakame yonthe yako akamĩtulũĩle ĩtinanĩ ya kĩthembeo.
Na mathunya onthe mako akaumye, o tondũ mathunya ma katena ka ĩlondu maumaw’a nthembonĩ ya nthembo sya mũuo; na mũthembi akamavĩvĩsye kĩthembeonĩ, ĩũlũ wa nthembo sya Yeova ila ivĩvaw’a na mwaki; na mũthembi akathembe nthembo ya kũmwĩw’anĩthya ũsu nũndũ wa naĩ yake ĩla wavĩtisye, nake akaekewa.