Heke kahinê ku bi rûnkirinê hatiye kifşkirin guneh bike û bi vî awayî gel gunehkar bike, divê ji ber sûcê kiriye, wê wekî pêşkêşiya paqijiyê conegayekî bêqisûr pêşkêşî Xudan bike.
Piştre wê kahin li Konê Hevdîtinê, li hizûra Xudan xwînê li qiloçên gorîgehê bixûra bêhnxweş bixe. Wê xwîna mayî ya conegê li erdê gorîgeha qurbana şewitandinê ya li ber deriyê Konê Hevdîtinê birijîne.
Wê xwînê li kon, li qiloçên gorîgeha hizûra Xudan bixe. Wê xwîna mayî ya conegê li erdê gorîgeha qurbana şewitandinê ya li ber deriyê Konê Hevdîtinê birijîne.
Çawa ku wî bi conegayê ku bi awayê pêşkêşiya paqijiyê hat dayîn kir, wê bi vî jî bike. Bi vî awayî wê kahin ji bo wan kefaretê bide û wê ew bên bexişandin.
Wê kahin bi tiliya xwe ji pêşkêşiya paqijiyê hilîne û li qiloçên gorîgeha qurbana şewitandinê bixe. Wê xwîna mayî li erdê gorîgeha qurbana şewitandinê birijîne.
Çawa ku bezê ser qurbana aştiyê hilanî, wê tevahiya bezê wê jê biqetîne. Wê kahin li ser gorîgehê bişewitîne ku bêhna wê bi Xudan xweş tê. Bi vî awayî wê kahin ji bo wî kefaretê bide û wê ew kes bê bexişandin.
Wê kahin bi tiliya xwe ji xwîna pêşkêşiya paqijiyê hilîne û li qiloçên gorîgeha qurbana şewitandinê bixe. Wê xwîna mayî li erdê gorîgeha qurbana şewitandinê birijîne.
Çawa ku bezê ser miya qurbana aştiyê hilanî, wê tevahiya bezê wê jê biqetîne. Wê kahin vê bezê li ser pêşkêşiyên şewitandinê, li ser gorîgehê bişewitîne. Bi vî awayî wê kahin ji bo gunehê wî kefaretê bide û wê ew kes bê bexişandin.