Chiach misango mipwodhogo ketho mar gowi nyaka yang’ mana kama iyang’oe jamni mitimogo misengni miwang’o pep, kendo rembe nyaka kir e bethe duto mag kendo-mar-misango.
Ka ng’ato ochiwe ka gir erokamano, to nyaka omedie makati ma ok oketie thowi, moted gi mo, gi chapat maonge thowi mowirie mo, kod kek matindotindo moted gi mogo mayom, modwal gi mo.
Ka ring misango mar sawo ocham nyaka chieng’ mar adek, to Nyasaye ok noyie gi ng’at mochiweno, kata misango bende ok nochiw ka gima ber, to enobed gima kwero, kendo ng’at mochame nobed jaketho.
Ka ng’ato ogere kuom gimoro mogak, bed ni en dhano kata le, kata gimoro amora makuero, to bang’e ochamo ring misango mar sawo mochiw ni Ruoth Nyasaye, to nong’ad kare oko kuom ogandagi.
Agoko kod em mag chiayo ka chiayo ma jo-Israel timogo misengni mag sawo, amiyo Harun jadolo kod yawuote mondo obed mich moyiedhi migolo kuom jo-Israel nyaka chieng’.
“Mago e chike mag misango miwang’o pep, gi mag misango mar cham, gi mag misango mar golo richo, gi mag misango mipwodhogo ketho mar gowi, gi mag misengni mitimo chieng’ miketo jadolo e tich, kod mag misengni mag sawo.