|
| 1 |
|
| Kimsaqallqu uru saraqatarusti, Moisesax Aaronampiru, yuqanakapampiru, taqi jilïri jaqinakampiruw jawsäna, |
|
| 2 |
|
| Aaronarusti sarakïnwa: “Jichhax mä urqu vaca qallu irpxarum, ukhamarak mä urqu ovejampi, ukanakax jan kuna kamacht'at uywanakäñapawa, ukanaksti nakt'at wilañcha Tatitur luqtarakim. |
|
| 3 |
|
| Israelitanakarusti sarakim, jupanakax mä chivo churapxpan jucha luräwit wilañcha luqtañataki, nakt'ayat waxt'a luqtañatakisti, marani mä urqu vacampi, marani mä ovejampi apanipxpan, uka uywanakasti jan kuna kamacht'atäñapawa, |
|
| 4 |
|
| ukhamarak mä urqu vacampi, mä urqu ovejampi sumankthapiñatak wilañcha luqtañatak Tatit nayraqatan kharinukuspan. Ukxarusti granonakat aceitempi chapt'at waxt'a apanipxpan, Tatituw jichhürux jumanakar uñstapxätam uka layku” sasa. |
|
| 5 |
|
| Israelitanakasti, kuntix Moisesax siskatayna ukhamarjamaw Tatitump Jikisiñ Utäkis uka nayräxar apapxäna, ukatsti taqi jaqinakaw Tatit nayraqatan sayt'at jikxatasipxäna. |
|
| 6 |
|
| Ukat Moisesax sarakïna: “Tatituw ak arsuwayi, jichhax phuqhapxam, ukatsti Tatituw jumanakarux jach'a qhanapampi uñstapxätam” sasa. |
|
| 7 |
|
| Moisesasti Aaronarux sarakïnwa: “Altarar jak'achasinim, ukatsti kuntix juchamata, israelitanakan juchanakap pampachatäñatak wilañcha luqtkäta uka uywxa, nakt'at waxt'a luqtam. Ukatsti kunjämtix Tatitux sisktam ukhamarjam israelitanakan waxt'anakap luqtarakim, ukhamat juchanakapan pampachatäñapataki” sasa. |
|
| 8 |
|
| Aaronasti altarar jak'achasisinxa, kuna urqu vaca qalltix juchapat luqtañataki irpankän uk kharinuküna. |
|
| 9 |
|
| Ukxarusti yuqanakapax wila apkatapxäna, Aaronasti luk'anap uka wilampi juricht'asaw altaran waxranakapar jawsüna, jilt'ki uka wilsti, altar kayuruw warnuqxarakïna. |
|
| 10 |
|
| Ukxarusti jank'akiw altarxarux kawkïri uywatix juchata wilañcha luqtatäkän uka uywan lik'ipa, maymurunaka, k'iwchan lik'inakax utjki ukanak nakt'ayxäna kunjämtix Tatitux Moisesar siskatayna ukhamarjam phuqhasa. |
|
| 11 |
|
| Ukampisa aychampi, lip'ichimpxa, campamentot anqäxar apsusaw nakhantayxäna. |
|
| 12 |
|
| Aaronasti, kawkïr uywatix taqpacha nakhantayas luqtañatakïkäna uka uywa kharinuküna, yuqanakapasti uka wila apapxäna, uka wilampisti Aaronax altar thiyanakaruw warakipäna. |
|
| 13 |
|
| Ukxarusti uka uywan p'iqipa, luqtañatak kharinuqatäkis uka aycha apapxarakïna, Aaronasti taqi ukanak altarxaruw nakhantayxäna; |
|
| 14 |
|
| ukxarusti jiphillanaka, chhuchhullinak jariqxäna, uksti altarxaruw nakt'ayxarakïna kunjämtix maypach uywa nakhantaykän ukhama. |
|
| 15 |
|
| Ukxarusti, Aaronax israelitanakan jucha lurapxatapat pampachäwi jikxatañatakiw mä waxt'a luqtäna. Mä chivo katusin Tatitur mä waxt'a luqtäna, kunjämtix nayraqatax luqtkän ukhama. |
|
| 16 |
|
| Uka uywsti, kunjämarutix satäkän ukhamaruw nakt'at luqtarakïna. |
|
| 17 |
|
| Granonakat wakichatäki uka waxt'atxa, mä jach'i jach'tasin altarxaruw nakt'ayäna, kuna waxt'anakatix willjtax nakt'ayatäkän ukanakamp chika. |
|
| 18 |
|
| Aaronasti kawkïri urqu vacampi, urqu ovejamptix israelitanakax sumankthapiña wilañcha luqtañatak irpanipkatayna ukanak kharinukurakïna. Yuqanakapasti Aarón awkiparuw uka wila luqtapxäna, Aaronasti uka wilampix altar thiyanakaruw warakipäna. |
|
| 19 |
|
| Uka kipkarakiw yuqanakapax uka urqu vacana, urqu ovejampin lik'inakapa, wich'inkhanaka, jiphill lik'inaka, maymurunaka, k'iwchxankki uka lik'inak katuyxapxäna, |
|
| 20 |
|
| uka lik'inaksti jaraphi aychamp chik apnuqxapxarakïna. Ukat Aaronax uka lik'inak altarxar nakt'ayxäna, |
|
| 21 |
|
| ukampisa jaraphi aychanakampi, kupi lankhu charanakampxa, uñstayäwi luqtak luräna, kunjämatix Tatitux Moisesar siskatayna ukhamarjama. |
|
| 22 |
|
| Aaronasti israelitanakxar amparap luqtasaw aski waxt'äwinak churäna, taqi uka wilañchanak luqtasinsti, altar chiqat sarawayxäna. |
|
| 23 |
|
| Ukatsti Moisesampi, Aaronampix Tatitump Jikisiñ Utäkis ukaruw mantapxäna, ukat mistunxasinsti Israelitanakaruw aski waxt'äwinak churapxäna. Ukat Tatitux taqi jaqinakarux jach'a k'ajkir qhanapampi uñstarakïna: |
|
| 24 |
|
| Tatitun nayraqatapatsti ninaw mistüna, uka ninasti kawkïri uywatix nakhantayatäñapäkäna, kuna lik'itix altarxan apnuqatäkän taqi ukanak nakhantäna. Taqi ukanak uñjasinsti, israelitanakax taqpachaniw kusisiñat wal arnaqasipxäna, ukatsti killt'asisin paranakapsa uraqir puriyañkamaw alt'apxarakïna. |
|
|
|
|