Nijoki iltung'ana le Israel, ‘Ewaita olkuoo le kine, oaku olasar le ng'oki o lashe o lkuoo le ker, naa ilo lari obo pooki nemetii oloata entioto, pee eaku olasar opejori
o lkiteng o lmeregesh metaa olasar le seriani, pee ipolososo intae te dukuya Olaitoriani o enkishooroto e ntapa naipurja te ilata, amu ore taata keipang'aki intae Olaitoriani.’ ”
Neitoki Musa ajoki Aron, “Tinyikaki olperere lo lasar, nintayu olasar lino le ng'oki ino o lasar lino opejori, nintobir olning'o lo sotua te nkorrok ino o too ltung'ana, niyau enkishooroto e kulo tung'ana nintayu olning'o lo sotua te nkaraki ninche, anaa enaitanapishe Olaitoriani.”
kake ore enkurriny o lairakuj o lkina le moinyua o ilo asar le ng'oki etapejoyie ninye te nchumata olperere lo lasar, anaa enaitanapa Olaitoriani Musa.
Neitoki aitarasaa inkishoorot oo ltung'ana, neya ina kine o lasar le ng'oki te nkaraki iltung'ana, neyieng ninye, neishooyo ninye te nkaraki eng'oki anaa ilo asar le dukuya le ng'oki.
Nepolos sii olkiteng o lmeregesh, ilo asar le seriani te nkaraki iltung'ana neyaki ilayiok le Aron ninye osarge neisuaaki enchumata olperere lo lasar aitaman.
Ore enkurriny eilo kiteng o eno lmeregesh o eilata e nkidong'oe leilo meregesh, o ina kurriny naimulumul isorri e nkoshoke o lairakuj o lkina le moinyua,