Aji Sax ji nee: «Ñetti bàkkaar, su ma yeboo ne ñeent, laay sikke Yudeen ñi, te duma fomm seeni duma. Ñoo gàntal sama yoon man, yoonu Aji Sax ji, te sàmmuñu sama dogali yoon. Seen tuuri caaxaan ya seeni maam toppoon sànk na leen.
Aji Sax ji nee: «Ñetti bàkkaar, su ma yeboo ne ñeent, laay sikke Israyil, te duma fomm seeni duma. Ñooy jaay jaam aji jub ngir xaalis bu mu leen ameel, jaay aji ndóol bu manul fey dàlli carax.
Yérey tayle yu ñu nangoo ci néew-ji-doole sax, ñu lal, ne ñàyy ci wetu mboolem sarxalukaay. Ku leen ameel, ñu feyloo la biiñ, naan ca seen biir kër tuur ya.