Khawvêla chhûngkua zawng zawng zîngah Nangni chauh hi ka hriat in ni asin, Chuvângin, in suahsualna zawng zawngah Ka hrem ngei ngei ang che u,” a ti a.
Thil tih âwm leh âwm lo dâwn nachâng an hre tawh lo,” Lalpa thuchhuak chuan a ti. Mi thil an chhuhsak leh an lâksakte chu, An in ṭha pui puiah an chhêk khâwm thêr thûr mai.
Lalpa chuan heti hian a ti: “Berâmpuin sakeibaknei ei lai A beng them leh a keṭhiah pahnih tal A chhuhsak hrâm angin, Samari rama Israel-te chu An khum them leh a ke bung them chauh nên Chhan chhuah an ni ang.
“An bawhchhiatna avânga Israel-te ka hrem ni chuan Bethel-a maichâmte chu ka tichim ang a, Maichâm kite pawh ka titliak ang a, Leiah a tla rem rum ang.
An thlasik in leh nipui inte ka tichhia ang a, Sainghova chei inte chu a chhe rem rum ang a, In lian pui puite pawh a chim vek ang,” Lalpa thuchhuak chuan a ti.