|
| 1 |
|
| Imwe Baisiraeli 'mwe, nimuhurire ekigambo eki Nyakubaho agambire naabahana ati: Imwe mwena ab'oruganda ru naihire omu nsi ya Misiri: |
|
| 2 |
|
| Omu nganda zoona ez'omu nsi niimwe mwenka abu naamanyire. Nikyo ndibafubirira ahabw'ebicumuro byanyu byona. |
|
| 3 |
|
| Mbwenu shi abantu babiri bagyenda kumwe bataragaine? |
|
| 4 |
|
| Entare etsindira omu kibira etaine ki eitsire? Nari entare nto erurumire omu ryaya etaine ki ekwatsire? |
|
| 5 |
|
| Enyonyi egwa ahansi omu mutego batagugitegire? Omutego gubarashuka gutaine ki gukwatsire? |
|
| 6 |
|
| Enzamba ekaateererwa omu rurembo abantu batatiine? Akabi kakaagwera orurembo, Nyakubaho atakoohereize? |
|
| 7 |
|
| Buzimazima Mukama Ruhanga takora kintu kyona ataatiire naama ye abaheereza be kintu kyona. |
|
| 8 |
|
| Entare etsinzire, mbwenu n'oha otarikwija kutiina? Mukama Ruhanga agambire, mbwenu n'oha otarikwija kuranga? |
|
| 9 |
|
| Murangirire ab'omu bikaari bya Ashidoodi n'ab'omu za Misiri muti: Muteeranire omu nshozi za Samariya, mureebe obujagararo buhango oburiyo, n'eby'okuhata abantu ebirimu. |
|
| 10 |
|
| Nyakubaho naagira ati: Tibarikumanya kukora ebihikire; ahabw'okuba batindika omu bikaari byabo obwinazi n'obusikuzi. |
|
| 11 |
|
| Nikyo Mukama Ruhanga arikugirira ati: Omubisha aryayehinguririza egyo nsi, asheenye ebigo byabo ebirikubarinda, n'ebikaari byabo binyagwe. |
|
| 12 |
|
| Nyakubaho naagira ati: Nk'oku omuriisa w'entaama asikura amaguru abiri nari ekicweka ky'okutu omu kanwa k'entare; n'abakye omu Baisiraeli abatwire Samariya bagaramisiriize omu bwehogo bw'ebitabo, n'aha mishego y'ebitanda byabo, nikwo barijunwa. |
|
| 13 |
|
| Mukama Ruhanga, Ruhanga w'amahe naagira ati: Nimuhurire kandi mwemeze ab'omuryango gwa Yakobo, |
|
| 14 |
|
| ku eizooba ri ndifubiriraho Isiraeli ahabw'ebicumuro byayo, niryo ndifubiriraho amatambiro ga Beteli; ntemeho amahembe g'eitambiro, gagwe ahansi. |
|
| 15 |
|
| Ndyacwekyereza amaju g'omu biro by'embeho, n'ag'omu biro by'ekyanda; n'amaju ag'ahunzirwe n'emiino y'enjojo garyahwerekyerera na zaanyaruju zihweho; nikwo Nyakubaho arikugamba. |
|
|
|
|