|
| 1 |
|
| Nimuhurire ekigambo eki, Imwe bakazi 'mwe ab'omu nshozi za Samariya, abari nk'ente za Bashani, abahata abooro, bakasingyeera abakyene; abagira baibabo bati: Nimureete ebyokunywa tuywe! |
|
| 2 |
|
| Mukama Ruhanga arahiire naagira ati: Nk'oku ndi orikwera, obunaku bwanyu buryahika babatware nibabakuruza amarobo. Nangwa n'abarihereeruka omuriimwe baryabatwaza amarobo g'ebyenyanja. |
|
| 3 |
|
| Mutyo mushohorere ahasheenyukire, buri mukazi agyeme ahu araatoore; kandi munagwe omuri Herumooni. Nyakubaho nikwo arikugamba. |
|
| 4 |
|
| Nyakubaho naagira ati: Imwe Baisiraeli 'mwe, nimwije Beteli mucumure, mwije Giligaali mukanyise ebicumuro. Mureete ebitambo byanyu buri kasheeshe, na kimwe kya ikumi buri biro bishatu. |
|
| 5 |
|
| Mutambe ekitambo ky'okusiima ekirimu ekitumbisa; kandi murangirire emitoijo y'okuhayo mwekundiire, mugibuzye hoona; ahabw'okuba ebyo nibyo mukunda kukora. |
|
| 6 |
|
| Nkababuza eky'okutamira omu ndembo zaanyu; mwabura ekyokurya omu byanga byanyu. Kwonka timwangarukira. Nyakubaho nikwo arikugamba. |
|
| 7 |
|
| Nkabaima enjura hatsigaireyo ameezi ashatu eigyesha kuhika; obundi nkaba ngwisiza orurembo rumwe enjura, orundi ngirwima; Omusiri gumwe obundi guguubwamu enjura, haza ogundi etagwemu gwoma. |
|
| 8 |
|
| Batyo ab'omu ndembo ibiri nari ishatu bazengyerera omu rurembo rumwe kunywa amaizi, kwonka babura kuhwa eiriho, haza nabwo timwangarukira; nikwo Nyakubaho arikugamba. |
|
| 9 |
|
| Nkabateeza ekibabo n'okusya nyamwenga, naacwekyereza emisiri yaanyu y'ebyokurya n'ey'emizaabibu; emiti yaanyu y'emitiini n'ey'emioliva enzigye zaagirya; Kwonka timwangarukira, Nyakubaho nikwo arikugamba. |
|
| 10 |
|
| Nkabooherereza orufu nk'oru naayoherereize Abaamisiri, naitsa abatsigazi baanyu rurara, naanyaga embaraasi zaanyu. Enyindo zaanyu naaziitsa ekinuuko ky'omu nsiisira zaanyu; Kwonka timwangarukira; Nyakubaho nikwo arikugamba. |
|
| 11 |
|
| Nyowe Ruhanga nkacwekyereza bamwe omuriimwe, nk'oku naacwekyereize Sodoma na Gomora; mwaba nk'ekicumurwa kyaihwa omu muriro gurikwaka, kwonka nabwo timwangarukira; Nyakubaho nikwo arikugamba. |
|
| 12 |
|
| N'ahabw'ekyo, Iwe Isiraeli 'we, naanye nikwo ndikugira! Iwe Isiraeli, ahabw'okuba niinyija kukugira ntyo! Mbwenu yeteekateekye kubugabugana na Ruhanga waawe. |
|
| 13 |
|
| Manya reeba, ogwo obumburika enshozi akahanga omuyaga, akagambira omuntu ekimuri aha mutima; ogwo ohindura nyomushana nyekiro; akagyendagyendera eruguru y'ensi. Mukama Ruhanga ow'amahe niryo iziina rye. |
|
|
|
|