Gūdegelekagi ū mhayo ūyū bing'we mbogoma ja ng'ombe ja Bashani, Ījo jadoosela mu Lūgūlū lwa Samalia, bakīma biboneeji ba bahabī na baluhya ba bagayiwa, bing'we abo mukikalaga ng'ūsamīlīja bagoshi bing'we mukūbawīlaga, “Enhagi walwa aha tūng'we!”
Jagi ī Beeseli mukīīte shibi, nī Giligali jagi mukongeje ū kwīta ī shibi. Ng'wenha dūhū ī shitambò shing'we būlī lūshikū ī dilū, Ī zaka jing'we būlī ha numa ya myaka idatū.
Ūwe ūyo alī meeja wa ngūlū na nseemi wa nyaga; ūyo akabakundūlīlaga banhū maganiko gakwe, ūyo akagalūchaga makanza ga dilū kūbiza giiti, ūyo akashimīzīlaga higūlya ya ngūlū ja sī; ū ng'wenūyo ī lina lyakwe SEEBA Mulungu wa Būdūla bose.