Kalneyə keçib görün,Oradan böyük Xamata gedin,Filiştlilərin Qat şəhərinə gəlin.Onların halı bu ölkələrdən daha yaxşıdırmı?Onların ərazisi sizinkindən böyükdürmü?
Xudavənd Rəbb Öz haqqına and içir,Ordular Allahı Rəbb bəyan edir:“Yaqub nəslinin qüruruna nifrət edirəm,Qalalarından zəhləm gedir.İçində olanlarla birlikdəPaytaxtlarını təslim edəcəyəm”.
Ölən bir nəfərin qohumu onun cəsədini götürüb yandırmaq üçün gələcək. Evin içində olana “Yanında kim var?” deyə soruşanda, o da “heç kim” söyləyəcək. Onda o qohum belə deyəcək: “Sus, Rəbbin adını çəkmək olmaz”.
Ordular Allahı Rəbb belə bəyan edir: “Budur, ey İsrail nəsli! Mən sizə qarşı bir millət çıxarıram. Xamat keçidindən Arava vadisinə qədər onlar sizə zülm edəcək”.