umía og̃uahẽ ha ho’upa rire pe kapi’i yvy apére, che ha’e ichupe: Che Ruete, che Jára, eperdonamína, mba’éicha piko Jacóbo oikovéta imichĩetereíma ramo.
Ñanderuete koichagua mba’e ohechauka chéve: Peikuaa porãke, Ñanderuete, pe Jaraitéva, penembojovake hag̃ua ohenóita tata, ha pe tata ombohypáta pe yguasu ha ho’upáta avei pende kokue.
Ha upévo Ñanderuete he’i chéve: Amos, mba’épa rehecha. Ha che ha’e: Peteĩ plomáda, umi óga mopu’ãhára oiporúva. Ha Ñanderuete he’i chéve: Péina ápe, Che amoĩ ko plomáda che retã Israel reko rehe ha naperdonamo’ãvéima ichupekuéra mba’evépe.
Upéramo Amos ombohovái ha he’i Amasíaspe: Che ndaha’éi proféta ha ndaha’éi avei proféta remimbo’ekue, che peteĩ tymba rerekuánte, ha añotỹ hígo matakuéra.
Upévare Ñanderuete he’iuka ndéve: Ne rembirekógui oikóta kuña reko vai ko tavapýpe, ha nde ra’y ha nde rajykuéra kyse pukúpe ho’apáta, ha nde yvy rehe oñemboja’opáta po’a jeporavo rupi, ha nde remanóta tetã mombyrýpe, ha Israel ojegueraháta ñeñapytĩháme ambue tetãme.