Ọnwan wụ ihiẹn Di-nwọnni-ẹnyi wụ Osolobuẹ ghọsị m: M hụn k'ọ rị e ke igurube n'o zi wẹ d'e ripụ ihiẹn-akụnkụn ikpanzụụn rị e suepụhanị, ogẹn wẹ gi ghọrigụ ọka w'a tụnị eze.
Osolobuẹ nọ sị m, “Emọsụ, k'ị rị a hụn?” M nọ sị, “Plọmụ wẹ gi e lele kẹ ẹhụ-ụlọ e zinghọ.” Ya kẹ Osolobuẹ nọ sị, “Lee ẹ: m rị e bu plọmụ wẹ gi e lele ẹhụ-ụlọ e che imẹ igunrun ndị nke m, ndị Izrẹlụ; agbakọzị m wẹ nkịtịn:
Ya kẹ Amazia, hụn eze tumẹ onyẹ nchụn-ẹjan obodo Bẹtẹlụ nọ zi ozi jẹnni Jerobụam eze Izrẹlụ Ẹbamịn-ugu, sị a, “Emọsụ rị e zun'i eje-umẹ, imẹ isi-alị ẹnyi ebeni kẹti-kẹti! Alịnị asakọkwọ ẹka din ihiẹn ile ọ rị e ku.
Ya Emọsụ nọ shịarị Amazia, sị a, “Lee ẹnya: ẹlẹ m ụdị ndị-amụma ahụn ị rị e ku, kaka; a rị m ndị ahụn mụ ibu-amụma! M te wụ onyẹ e du anụ, m'e bechanzị osisi sikamọ,