E fwenyno naneno ka bonyogo osetieko chamo gimoro amora mang’ich e piny. Eka ne awacho niya, “A Ruoth Nyasaye, ng’wonni jogi, ma joka Jakobo. Ere kaka ginyalo resore, to ginok kamano?”
Ruoth Nyasaye nochako okelona fweny machielo, mi aneno ka ooro mach mondo owang’ nam maduong’ manie bwo piny, kendo mondo otiek gik moko duto manie piny.
Eka Ruoth Nyasaye nopenja niya, “Amos, ang’o minenono?” Ne adwoke niya, “Aneno tol mar rapim.” Ruoth Nyasaye nowacho niya, “Apimo chuny joga Israel gi rapim, mana kaka ng’ama pimo kor ot, kendo ok nachak awenigi ngang’.
To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”