यहोवा पुछेस, “आमोस तू का लखत अहा?” मइँ कहेउँ, “गर्मी क फलन स भरा भवा एक ठु टोकरी।” तब यहोवा मोहसे कहेस, “मोर लोग इस्राएलियन क अंत आइ मँ अहइ। मइँ ओनके पापन क अउर बर्दास्त नाहीं कइ सकतेउँ।
तोहार ओन करमन क कारण पूरा देस काँपि जाइ। इ देस क हर एक निवासी मरे भए के लिए रोइ। पूरा देस मिस्र मँ उड़त होइ नील नदी क तरह कपकपाहीं। पूरा देस उठिहीं अउर फुन गरिहीं।”
मइँ तोहार पचन्क पवित्तर दिनन क मरे भए लोगन बरे सोक दिवस मँ बदलब। तोहार पचन्क सबहिं मरे भए लोगन बरे सोक गीत बनिहीं। मइँ हर एक क सोक ओढ़ना पहिराउब। मइँ हर एक क मूँड़ मुड़वाइ देब। मइँ अइसा गहिर सोक स भरा रोउब बनाउब माना उ एकलौती क पूत क होइ। इ एक कड़ुआ अन्त होइ।”