M hụn Osolobuẹ ebe o wuzo ẹhụ ukpo nchụn-ẹjan. Ọ nọ sị, “Gi ihiẹn fịansọnmẹ isi-adansụn ndị rị ihun Ụlọ-nsọ, d'e ru ni ọnụmụzọ e mẹhunmẹ. Mẹ wẹ dankpọsọnmẹ isi ndị alịnị ile; e gi m ọpịa-agha gbu ndị họdụnị; onwọnni onyẹ m k'a nị gbapụ, onwọnni onyẹ m k'a nị wanahịn.
Di-nwọnni-ẹnyi Osolobuẹ ihiẹn ile rị okpuru ẹ, onyẹ hụn e mẹtụ ụwa ẹka, ọ rịnranpụ, ndị ile rị imẹ ẹ a kwanma, alị lẹ enwẹn ẹ e buli kẹ Iyi Naịlị, buli, ziẹnban, nọkẹ Iyi Naịlị Ijiptu;
“Ile kẹ Di-nwọnni-ẹnyi Osolobuẹ e lee alị-ezeni rị e mẹ njọ. M k'e tikpọ a, wepụ a elu ụwa, kanị, etikpọchanrịnkọ m ikpụlọ Jekọpụ ile.” Osolobuẹ e kugụọ a!
Osolobuẹ sị, “Ezioku-ezioku, ihiẹn jẹnkọ d'a rịzị mma; ọka e jun bụ ogẹn ọka eke ru; vaịnị lẹ manya a e jun bụ ogẹn vaịnị eke ru. Vaịnị lẹ manya vaịnị a sụọnị e jun elu-ugu, manya vaịnị e huru elu-òke ile.
M k'e wekinhẹn ndị nke m wẹ kpụnrụn alị wẹ; a tụndọnzi wẹ obodo wẹ ile tikpọnị, birisọnmẹ imẹ wẹ. Wẹ k'a kụn vaịnị, ra manya a; wẹ k'a rụn ugbo, ri ihiẹn rị imẹ ẹ.