Ika Bible 2018
|
| 1 |
| Ya kẹ Jona nọ mẹ ekpere imẹ ẹfọ azụn hụ rịọma Osolobuẹ wụ Chuku ẹ, sị, |
| 2 |
| “Kẹ m rị imẹ nsọngbu, m nọ kpọku Osolobuẹ, ọ nọ za m; imẹ-imẹ alị mmọn kẹ m ghadẹ kpọku i, ị nọ za m. |
| 3 |
| Ịyụ tụ m ye imẹ okẹn mirin, tụ m ye imẹ-imẹ ohimin; ẹregede mirin nọ rukpumẹ m, a kpọ m, e buhunmẹ m. |
| 4 |
| Ya m nọ sị, ‘Euu, y'a chụpụọlẹ m ebe ọ rị kanị m k'e leghazị Ụnọ-NSỌ!’ |
| 5 |
| “Mirin ahụn ile e rukpumẹ m n'o gbu m, ohimin e fihunmẹ m, ẹfịfịa-mirin a fụkpumẹ m isi. |
| 6 |
| E rubanchanrịn m imẹ-imẹ mirin — rudẹ ebe ugu gha suepụha; a banyedẹ m alị-mmọn, ọ nọ kpọkin m ye jẹnrin-ejẹn. Kanị, ịyụ Osolobuẹ wụ Chuku m nọ gha imẹ Mgbugbu gbapụha m. |
| 7 |
| “Ogẹn ndụn m gi lakọ, m nọ nyanhan ị, Osolobuẹ, m nọ mẹ ekpere rịọ ị; ekpere m nọ ru ebe ị rị imẹ Ụnọ-NSỌ ị. |
| 8 |
| Ndị hụn e fe mmọn nwọnlẹni isi a latọgụọ ihiẹn yụ lẹ wẹ kwerigbama. |
| 9 |
| Kanị mmẹ nwẹn k'e gi ẹbụ okele bịa d'a chụnyen'i ẹjan; m k'e mẹ ihiẹn m kwe i nkwa a. Ẹka ị Osolobuẹ sụọ kẹ nzụọpụha gha a bịa!!” |
| 10 |
| Ya kẹ Osolobuẹ nọ gwa azụn hụ oku, ọ nọ gbọpụha Jona ye mkpẹnrẹn mirin. |
| Save Notes |
https://beblia.bible:81/BibleAudio/ika/jonah/002.mp3
4
2