×

Ika Bible 2018

Jona 3

1
Osolobuẹ nọzị gwa Jona oku, sị a,
2
“Lihi ọtọ; jẹnmẹ obodo uku hụ wụ Ninivẹ ozigbo d'e zi ndị rịn'a ozi m zi i.”
3
Ya Jona nọ nwan mẹ ihiẹn Osolobuẹ ku: o buli, jẹnmẹ Ninivẹ. Obodo hụ wụ Ninivẹ shịa ọda-ọda — akpọhịn ẹtọ kẹ wẹ gi a ghachanrịn a.
4
Jona nọ ghama obodo hụ: Ogẹn o gi ghapụ akpọhịn ohu, ọ nọ hị, “Akpọhịn ọgụnnaị sụọ k'ọ họdụ nị wẹ tikpọ Ninivẹ!!”
5
Ya ndị Ninivẹ nọ kweri ozi Osolobuẹ. Wẹ nọ kpọye ibu-ọnụ. Kẹ ndị-uku kẹ ndị-nta, ịhịan ile nọ yiri ẹkwa achọ wẹ gi a kwan ụya.
6
Makẹni, ogẹn eze Ninivẹ gi nụ ihiẹnni, ọ gha ukpo-eze ẹ lihi ọtọ, yipụ ẹwuru-nze, yiri ẹkwa-achọ, dịnọ ikpọn ntụn.
7
Ya ọ nọ zi wẹ d'a hịnị ndị Ninivẹ ya, sị: “Ọnwan wụ uhi eze lẹ ịhaịmẹ: onwọnni onyẹ k'e ri ihiẹn ọwụlẹ; kẹ ịhịan kẹ anụmanụ, kẹ ewu kẹ efin kẹ atụnrụn — w'e bulẹ ihiẹn ọwụlẹ che ọnụ: w'e rilẹ; w'a ralẹ!!
8
Ịhịan ile lẹ anụmanụ ile wẹ yiri ẹkpa tikanị, wẹ weshi olu elu kpọku Osolobuẹ ọhụnma-ọhụnma! Onyẹ ọwụlẹ ya bihutọ ẹka, ya latọ eje-obibi lẹ ẹka-ikẹn ẹ!!
9
Onyẹ marịn? Ikẹnkwọ Osolobuẹ e gharị, ikẹnkwọ olulu ẹ a rọ, ẹnyi a hụn isi.”
10
Ogẹn Osolobuẹ gi hụn ihiẹnni wẹ mẹ, hụn kẹ wẹ dọnmẹ latọsọnmẹ eje-omumẹ wẹ, ọ gharị, o mẹzini wẹ ihiẹn ọ sị o k'e mẹ wẹ.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes