Ika Bible 2018
|
| 1 |
| Kanị, ẹfọ asụọnị Jona ụsụọ kaka — nị Osolobuẹ etikpọzịnị ndị Ninivẹ, iwe nọ we ẹ. |
| 2 |
| Ya Jona nọ mẹ ekpere sị Osolobuẹ, “Heuu Osolobuẹ! Ekuni m'ẹ nị m d'a gha ụlọ buli n'i jẹnkọ d'e mẹ ẹnịna? Ịya haịn m te gi gbashikọ Tashishi. Amarịnghọ m n'ị wụ Chuku hụn e ro ịhịan, n'i wụ Onyẹ-omikẹn; nị y'a ra bukẹnrin olulu; nị y'e nwọnkẹ ihiẹn-ọsụsụọ ịhịan, nị y'e rohutọ a latọ afụnfụn i te k'e ye ịhịan. |
| 3 |
| Gbu m nwan, Osolobuẹ, nị ọnwụn ka m mma karị nị m rị ndụn a hụn ihiẹnni.” |
| 4 |
| Ya kẹ Osolobuẹ nọ jụ Jona kẹ o furughọ n'o we iwe. |
| 5 |
| Jona nọ gha imẹ obodo pụ, jẹnmẹ d'a nọdị alị ẹbamịn ọwụwa-ẹnyanwụn obodo ahụn; o mẹmẹrin ọdụ, nọdị alị igungun ẹ, e che n'ọ hụn ihiẹn k'e mẹ obodo ahụn. |
| 6 |
| Ya kẹ Osolobuẹ wụ Chuku nọ mẹ ogiri-igbọn pu ebẹhụ, m'ẹ sue, kpumẹ ebe Jona rị kẹni o ye ẹ igungun — kẹni ẹhụ fu ẹ. Ẹfọ nọ sụọma Jona ọda-ọda nị ya wụ ihiẹn hụ ebẹhụ. |
| 7 |
| Kanị, e ki e fọn, Chuku nọ zi ọwụwụ, ọ nọ rigbu ihiẹn-akụnkụn hụ, ọ nọ shinwụn. |
| 8 |
| Anwụn a mụma, Chuku nọ zihẹ ufere rị a nụ ọkụn gha ẹbamịn ọwụwa-ẹnyanwụn bịa, ọ nọ feye Jona isi ọda-ọda, o d'a fọhị; ọ nọ chọma ọnwụn, a sị, “Ọnwụn te ka m mma.” |
| 9 |
| Ya kẹ Chuku nọ jụ a kẹ o furughọ n'o ze ize nị ihiẹn-akụnkụn hụ shinwụn eshinwụn. Jona nọ za, sị, “Ize k'e ze m nụ! O d'e zegbudẹ m!” |
| 10 |
| Ya kẹ Osolobuẹ nọ sị a, “Ọ rị a fụ ị nị osisi hụ e shinwụn? Osisi o mẹ ni ẹlẹ yụ kụn a, ẹlẹ yụ zụn a? Osisi punihụ, eki e fọn ọ nwụnhụn? |
| 11 |
| Kị wụ nwan n'ọ fụkọ m nị obodo Ninivẹ chọ n'ọ la iwi? Obodo uku hụn ihiẹn karị madụ nnụ ọgụn-mmisẹn (120,000) marịnlẹni ẹka-nni wẹ lẹ ẹka-ekpẹn wẹ bi imẹ ẹ; obodo hụ ihiẹn-uriri jun.” |
| Save Notes |
https://beblia.bible:81/BibleAudio/ika/jonah/004.mp3
4
4