Enobed marach manade ni joma riere e kitanda ka paro timo timbe maricho! Gichiew ka piny yawore mondo gitim richogo, nikech ging’eyo ni gin gi teko mar timo kamano.
Ka gidwaro lop ng’ato, to gikawo akawa gi thwon. To kata ka gidwaro udi, to mago bende gikawo akawa. Gimayo ji kata mana utegi kaachiel gi mwandugi, mi giwegi nono.
Omiyo Ruoth Nyasaye wacho niya, “Achano kelo masira kuomu, kendo enochal lodi e ng’utu ma ok unyal gonyo. Ok unuchak uwuothi ka uchung’ tir, nikech kindeno nobednu kinde marach.