Lee ni ihiẹn Osolobuẹ ku banyeni ndị-amụma hụn rị e dufie ndị nke m: onyẹ ye wẹ ihiẹn, e buni w'ẹ amụma rị mma. Kanị onyẹ yelẹni wẹ ihiẹn e bu wẹ nụman'a.
Kanị, o mẹ nke m, m nwọn ikẹn ọda-ọda, ịya lẹ Mmọn Osolobuẹ lẹ ezioku lẹ ndụn, hụn m gi a gwapụ ebọn Jekọpụ nị wẹ rị a dan iwu, hụn m gi a gwa ndị Izrẹlụ nị wẹ rị e mẹ njọ.
Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”
Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.