Wẹ ile buchanrịn ẹka ẹbụbụọ che eje-ihiẹn, ọ hụ a gha wẹ ẹka. Ndị isi hụ e gi ọnụ a dọ egho-azụụn, ndị ọka-ikpe hụzị a na; Ndị uku hụ e gi ọnụ wẹ a chọ nke wẹ; wẹ ile hụ e kịgbama e mẹ eje-ihiẹn.
Makẹni, okẹnnyẹ rị nwan e legberi nẹdi ẹ; okpoho rị e bu a nụmanị nnẹ mụn'a; nwunyẹ-nwa rị e bu a nụmanị nnẹ-di ẹ; ndị rị ikpụlọ ịhịan wụ nwan ndị iṅẹnrẹn ẹ.
Nị m narịn afụnfụn Osolobuẹ ye m makẹ njọ m mẹ ẹ, d'e ru n'o leban ẹnya ọnọdị m, hannị mmẹ lẹ ndị o gi e ye m afụnfụn eṅẹn. O wepụhazị m ebe ukpẹ rị, a hụn m nzụọpụha a.
Ogẹn hụ, eṅẹnrẹn m a hụn a, ifẹnrẹn e mẹgbu ẹ onyẹ nwẹn te sị m “Elebe Osolobuẹ wụ Chuku i rị nwan?!” Ẹnya m k'a hụn k'ọ dan; o họnrin ihiẹn w'a zọ ụkụ nọkẹ ịkpọtọ rị ụzọ.
O ru ogẹn hụ, a gha wẹ Asiria lẹ obodo rịsọnmẹ Ijiptu lụaburu i, gha Ijiptu d'e ru Iyi Yufretisi lụaburu i, gha ebe ile ohimin ru lẹ ugu ile lụaburu i.
Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.