|
| 1 |
|
| غَا سَڧُواْ غَمٜىٰدَ نِنٜىٰبَ؞ وَنَّنْ نٜىٰ لِتَّڢِنْ رُعُيَرْ دَ أَنَّبِے نَهُمْ مُتُمِنْ عٜىٰلْكُواشْ يَغَنِ؞ |
|
| 2 |
|
| يَهْوٜىٰهْ نٜىٰ اللَّهْ مَيْ بُڧَاتَرْ ثِكَكِّيَرْ ڧَوْنَ، مَيْ رَامُوَا نٜىٰ شِے؞ يَهْوٜىٰهْ مَيْ رَامُوَا نٜىٰ، مَيْ ذَاڢِنْ ڢُشِے كُمَ؞ يَهْوٜىٰهْ يَكَنْ سَاكَ وَ أَبُواْكَنْ غَابَنْسَ، يَكَنْ جُويَا ڢُشِنْسَ عَكَنْ أَبُواْكَنْ غَابَنْسَ؞ |
|
| 3 |
|
| يَهْوٜىٰهْ بَا مَيْ سَوْرِنْ ڢُشِے بَنٜىٰ، عَمَّا مَيْ إِيكُواْ نٜىٰ شِے، يَهْوٜىٰهْ بَذَيْ كَاسَ حُكُنْتَ مَيْ لَيْڢِے بَ؞ حَنْيَرْسَ تَنَ ثِكِنْ غُوغُوَ دَ هَدَرِ، غِرْغِجٜىٰ كُمَ ڧُورَرْ تَڢِنْ ڧَڢَرْسَنٜىٰ؞ |
|
| 4 |
|
| يَكَنْ ڟَاوَتَا وَتٜىٰكُ حَرْ يَبُوشٜىٰ، يَكَنْسَا دُكَنْ كُواْغُنَ سُبُوشٜىٰ، حَرْ ڢِيلَيٜىٰنْ كِيوُاْ عَبَشَنْ دَ تُدَّنْ كَرْمٜىٰلْ مَاسُ طَنْيٜىٰنْ ثِيَوَ دَ عِتَتُوَ سُكَنْ بُوشٜىٰ، ڢُلَوَرْ لٜىٰبَنُوانْ دُكَ سُكَنْ يَنْڨُونٜىٰ؞ |
|
| 5 |
|
| مَنْيَنْ تُدَّيْ سُكَنْ غِرْغِظَ أَغَبَنْسَ، تُدَّيْ كُمَ سُكَنْ نَرْكٜىٰ؞ ڧَسَا تَيِ ضَوَ أَغَبَنْسَ، عِ، حَرْ دُونِيَا دَ دُكَنْ أَبِنْدَ سُكٜىٰ ثِكِنْتَ؞ |
|
| 6 |
|
| وَ ذَيْ عِيَ ڟَيَاوَا أَغَبَنْسَ إِنْ يَيِ ڢُشِے؟ وَ ذَيْ عِيَ جِمْرٜىٰوَ ذَاڢِنْ ڢُشِنْسَ؟ ڢُشِنْسَ يَنَ ظُبَ كَمَرْ وُتَا، مَنْيَنْ دُوَڟُو سُكَنْ ڢَرْڢَسَ أَغَبَنْسَ؞ |
|
| 7 |
|
| يَهْوٜىٰهْ مَيْ أَلْحٜىٰرِ نٜىٰ، وُرِنْ ٻُيَ نٜىٰ شِ أَ رَانَرْ وَهَلَ؞ يَنَ كِيَايٜىٰ وَطَنْدَ سُكٜىٰ ٻُيَ عَثِكِنْسَ؞ |
|
| 8 |
|
| عَمَّا كَمَرْ أَمْبَلِيَرْ ضُوَ ذَيْ كَوَرْدَ أَبُواْكَنْ غَابَنْسَ كَكَڢْ، ذَيْ كُواْرِ مَاسُ ڧِنْسَ ذُوَا ثِكِنْ دُهُ؞ |
|
| 9 |
|
| دُوانْمٜىٰ كُكٜىٰ ڧُلَّوَ غَابَادَ يَهْوٜىٰهْ ؟ كُواْ دَ مٜىٰنٜىٰنٜىٰ، ذَيْ مَيْدَشِ بَنْظَ! بَ مَيْيِنْ غَابَادَشِ سَوْ بِيُ؞ |
|
| 10 |
|
| أَبُواْكَنْ غَابَنْسَ كَمَرْ ڧَيَ سُكٜىٰ أَ هَرْهَطٜىٰ، كَمَرْ مَشَيَنْ دَ سُكَ بُغُ، سُكٜىٰ تَنْغَطِ ثِكِنْ تَرْكُوانْسُ، ذَاعَ ڧُواْنٜىٰسُ ڧُرْمُسْ كَمَرْ بُوسَشِّيَرْ ثِيَوَ؞ |
|
| 11 |
|
| دَغَ ثِكِنْ نِنٜىٰبَ وَنِ يَڢِتَ وَنْدَ يَڧُلَّ وَ يَهْوٜىٰهْ مُغُنْتَا، يَبَادَ شَوَرَرْ بَنْظَ؞ |
|
| 12 |
|
| إِنْجِ يَهْوٜىٰهْ ، «كُو أَسُّرِيَاوَا، كُواْدَيَكٜىٰ كُنَ دَيَوَ، ثِكٜىٰدَ ڧَرْڢِے كُمَ، ذَاعَ يَنْكٜىٰكُ، عَكَوَرْ دَكُو؞ كُو يَهُودَاوَا، كُواْدَيَكٜىٰ نَبَاكُ وَهَلَ، بَذَنْ ڧَارَ بَاكُ وَهَلَبَ كُمَ؞ |
|
| 13 |
|
| يَنْذُ ذَنْ كَرْيَ غُنْغُمٜىٰنْ دَنِّيَ وَنْدَ نِنٜىٰبَ يَسَا عَكَنْكُ، ذَنْ كُمَ ڟِنْڟِنْكٜىٰ سَرْڧُواْڧِنْ دَ عَكَ طَوْرٜىٰكُ دَسُو؞» |
|
| 14 |
|
| يَهْوٜىٰهْ يَا بَادَ عُمَرْنِ غَمٜىٰدَ نِنٜىٰبَ ثٜىٰوَ «بَذَاعَ ڧَارَ جِنْ سُونَنْكِبَ؞ غُمَكَنْكِ نَسَسَّڧَ دَ نَظُبِے ذَنْ شَارٜىٰسُ دَغَ غِدَنْ أَلُّواْلِنْكِ؞ ذَنْ شِرْيَ مِكِ كَبَرِ، غَمَا بَاكِدَ أَمْڢَانِ؞» |
|
| 15 |
|
| دُوبَ! عَكَنْ مَنْيَنْ تُدَّيْ غَا ڧَڢَاڢُنْ مَيْ كَٰوُاْ لَابَرِ مَيْ دَاطِے، مَيْ شٜىٰلَرْ سَلَمَ! يَا يَهُودَ، كِكِيَايٜىٰ بُكُكُوَرْكِ، كِثِكَ ضَنْڟُوَارْكِ؞ غَمَا یَرْ إِسْكَرْ نَنْ نِنٜىٰبَ بَذَاتَ ڧَارَ يِنْ غَابَادَكٜىٰبَ كُمَ، أَنْكَوَرْدَ عِتَ غَبَاطَيَ؞ |
|
|
|
|