Ninawi, aliza ng'ūbūki kūkūkomagūla, jilang'hanage ī ng'hambī jako ja kūpīlīla, kalalīlaga ū kū mapanda, ipandage chanda, ūjitūmamīle pyī ī nguzu jako!
Ī mūda ja bashilikale bakwe jichaagije būūza, nī shizwalo shabo shaza. A magogoteni ga būlūgū galī mu ngīlīlī ja wilondeele londeele, Ī chūma shikūteemagīlaga gītī moto. Machimu ga mitī ya mizule galīhubengwa.
Ī haha ndūhū mo shikolo, shose pyī shīnjiagwa, heelaga mo pe pe pe! Ī ng'holò ja banhū jaabaga, a mazwi gayogomaga, Ī mibīlī īlīdetema, būlī būshū bohīndīhalaga.
Līlīhalī lūūlū ī haha ī līpilinga lya shimba, ī lihalo ūmo giikalaga mamunda ga shimba, ūko shimba ng'hīma na ng'hosha jalī jitogilwe kūja na baana baajo, ndūhū na wa kūjogohya?
Ū SEEBA wa Būdūla bose alīhaya, “Nalī na wilwisha nang'ho, a magogoteni gako ga būlūgū nakūgapemba moto gabize lyochi, ī shimba jako ī songi nakūjimala bo līlūshū. Atūkūlekeelela sha kūhwīng'wa ū mu sī. Na a malaka ga batūmījiwa bako gataligwiwa hangī.”