|
| 1 |
|
| Lowo manna shiinohura, giddosi kaphu wo'minohura, saamatenninna mulqi'ratenni duroo'minohura, Nennewe Katamira aanne'e! |
|
| 2 |
|
| Lichetenna gongo'mitanno qale luulo, faradu gulufanna faradi gaarete hirba macciishshinanni. |
|
| 3 |
|
| Farashshaanni gulufanno; bise wala wala yitanno; urdeno bilicci bilicci yitanno. Kiiro nookki manna shinoonni daafira, reeshshu reeshshu aana duunamanno. Reeshshu batinyinni kainohunni, sa'nanni faro nafa diheedhanno. |
|
| 4 |
|
| Kuni baalunku ikkinohu, Nennewe foorrenni kainohunniiti. Qoleno, biinfillisinninna wojji assitanno xummesinni, dagate mootoolla baalanta woshshaade amade, angasi galtanno gede assinohuraati. |
|
| 5 |
|
| Olantote Mootichi Kaaliiqi, «Nennewe, kuneeti diinoomunni kaoommohe. Uddanokki aanikkinni mulqeemmo; teedakki dagate, saalakkino gashshoote baalaho reqecci asseemmo. |
|
| 6 |
|
| Ishine tunganni darga asseemmohe; mishatenni laeemmohe; mannu baalunku diqatannohe gede asseemmohe. |
|
| 7 |
|
| La"annohehu baalunku shagaggi're atewiinni shawwu yee, ‹Kuneeti Nennewe diigame mulla darga ikkino. Mayino mararannosi? Mayino sheshifachishannosi?› yaanno» yii. |
|
| 8 |
|
| Nennewe! Ikkitano ikkeenna, ati Gibitsenniha dannawu katama Tebisi roorattoni? Isi nafa Abbayi Wayinni qoqqowaminoha ikkinohura, wayi huxxasiitinna qiishosiiti. |
|
| 9 |
|
| Tebisi Itiyophiyunna Gibitse kaa'litannosi; wolqasira dannu dino. Fuuxinna Liibiyu olu garosiiti. |
|
| 10 |
|
| Tenne kaa'lo giddoonni, Tebisi Katama diinu horreenna, mannisino qafadamino; qaaqquullesino kinnatenni cancanne doogga baalate tungoonni. Ejjeettonsano hixa ga'nite beeqqite cagaagetenni usurte haadhe hadhinonsa. |
|
| 11 |
|
| Nennewe! Ati dimbe gaggawanno manchi gede ikkattohunna diinnakkiwiinni xooqqe umo worattowa hasi'ratto yanna dagganno. |
|
| 12 |
|
| Qiishokki baalanti balaxxe iillitino laalo amadde hunduruurritino haqqicho gedeeta ikkitanno. Shashshafante giggiltanno yannara, itannohu afiira ubbanno. |
|
| 13 |
|
| Gaaddokki baalanti meyate gedee waajjaleeyye ikkitino. Qachikki waalchuwa diinnakkira fano ikkitino; cufannano giira ittino. |
|
| 14 |
|
| Diinnakki gaangeessite shetissannohe yannara, agatto waa hinkii'lite qixxeessi'ri. Qiishokkino kaajjishi'ri; dora liisse uduunne seekkinanniha qixxeessi'ri; xuubeno seekki. |
|
| 15 |
|
| Aye geeshshano qorophittoro, giiramakkinna bisetenni dereenqamakki digattannote. Kanchafaru itino gidi gede ikkite ba"atto. Kuneeti olantokki kanchafarunna qooliweelu kanchafari gede batidhino. |
|
| 16 |
|
| Daddalaasinekki batinyi gordu beeddahe roorino. Ikkollana, qoola fane buuwanno kanchafari gede, kuni baalunku atewiinni ba"anno yanna dagganno. |
|
| 17 |
|
| Ejjeettokkinna olantote hajajaasinekki batinyunni kainohunni, qiidu yannara kinchu huxxi mule gamba yee shaa'malannoha bati'ra kanchafare labbanno. Kanchafaru arrishsho fultanno yannara, buuwe ba"anno. Hiikka marannorono afannohu dino. |
|
| 18 |
|
| Asoori moote, jajjabbikki gooffe hegere geeshsha reyite goxxino. Mannikki ilaalla baalantera billaallino; gamba assannohano diafi'ranno. |
|
| 19 |
|
| Hiiqqammekki didhaawantanno; madakkino dihurtanno. Ateha baokki duduwo macciishshannohu baalunku hagiidhe anga gananno. Ate bunshenninna kaajjillikkinni gawajjaminokkihu nooha lawannoheni? |
|
|
|
|