Ológun orí ẹṣin ń fi ìgbónára ju ìdà wọn mọ̀nàmọ̀nà ọ̀kọ̀ rẹ̀ ti ń dán yanran sí òkè! Ọ̀pọ̀lọpọ̀ si ní àwọn ẹni tí a pa, àti ọ̀pọ̀lọpọ̀ òkú; òkú kò si ni òpin; àwọn ènìyàn sì ń kọsẹ̀ lára àwọn òkú.
“Èmi dojú kọ ọ́,” ni OLÚWA awọn ọmọ ogun wí. “Èmi ó si ká aṣọ ìtẹ́lẹ̀dì rẹ ní ojú rẹ, Èmi yóò sì fi ìhòòhò rẹ̀ han àwọn orílẹ̀-èdè àti ìtìjú rẹ̀ han àwọn ilẹ̀ ọba.
Kò sí ṣe pé, gbogbo àwọn tí ó ba sì wò ọ́ yóò sì káàánú fún ọ, wọn yóò sì wí pé, ‘Nínéfè ṣòfò: Ta ni yóò kẹ́dùn rẹ?’ Níbo ni èmi o ti wá olùtùnú fún ọ?”
Ṣíbẹ̀ ṣíbẹ̀ a kó o ní ìgbèkùn o sì lọ sí oko ẹrú. Àwọn ọmọ wẹ́wẹ́ rẹ̀ ni a ó fọ́ mọ́lẹ̀ ní orí ìta gbogbo ìgboro. Wọ́n sì di ìbò nítorí àwọn ọlọ́lá rẹ̀ ọkùnrin, gbogbo àwọn ọlọ́lá rẹ ni a sì fi ẹ̀wọ̀n dè
Àwọn aládé rẹ̀ dàbí eṣú, àwọn ọ̀gágun rẹ dàbí ẹlẹ́ǹgà ńlá, èyí ti ń dó sínú ọgbà la ọjọ́ òtútù, ṣùgbọ́n nígbà tí òòrùn jáde, wọ́n sá lọ ẹnìkan kò sì mọ ibi tí wọ́n gbé wà.
Ìwọ ọba Ásíríà, àwọn olùṣọ àgùntàn rẹ̀ ń tòògbé; awọn ọlọ́lá rẹ yóò máa gbé inú ekuru. Rẹ àwọn ènìyàn rẹ fọ́nká lórí àwọn òkè ńlá, tí ẹnikẹni kò sì kó wọn jọ.
Kò sì sí ohun tí ó lè wo ọgbẹ́ ẹ rẹ sàn; ọgbẹ́ rẹ kun fún ìrora Gbogbo ẹni tí ó bá sì gbọ́ ìròyìn rẹ yóò pàtẹ́wọ́ lé ọ lórí, nítorí ni orí ta ni, ìwà buburu rẹ kò ti kọjá nígbà gbogbo?