“Euu Osolobuẹ, a nụọlẹ m otiti i! Osolobuẹ, ọrụn-atụmẹnya ị atụkakwọ m egun! Rụnzị wẹ nwan ogẹn nke ẹnyini, zụọpụha ẹnyi, rụnghọsịzị ẹnyi ya ogẹn nke ẹnyi; ị gha e bu olulu, dodo nyanhankwọ omikẹn.
“Euu Osolobuẹ, iyi ndị hụ kẹ ị rị e buni olulu ogẹn hụ? Ra iyi k'i rị e weni iwe hụ? Ra ohimin k'ị rị a kpọnị ọnụma hụ? Uwẹ k'i nyinkọnị ẹshin-agha ị ọkụn-ọkụn, ra wẹ k'i nyinkọnị ụgbọ-ẹshin agha i gi a zụọpụha?!
Ị nọ gi ihiẹn-ọgụn a zupu ndị odogun-agha a isi, kẹ wẹ kpọha nọkẹ okẹn ufere d'e feyịya ẹnyi; e yi, a ghọghọ, nọkẹ onyẹ gi nzuzue bịa d'e gburi ndị nwọnlẹni onyẹ eyemẹka;
“A nụgụ m ihiẹn lalanịnị ẹnyi ẹhụ nọ mama m nni; ọnụ hụ a ma m nni; ọ nọkẹsị ọkpụkpụ arịzị m ụkụ, ụkụ hụ a ma m gẹgẹgẹ. Kanị m k'e din ndidin cheri eje-ụhụọhịn ahụn sikọ d'e kunrun ndị rị a lụsọn ẹnyi agha.