ak ichek che ilosu tuguk tugul che bo kipsengwet, eng’ gorik barak; koboto icheget che ilosu, che iyosiechin Jehovah, ak koyostos eng’ kainetab Malkam;
Mwaei Jehovah kole, Tun biitu eng’ betunoto waagatab rirek ne bunu ormarichetab njirenik, ak waagat ne bunu kebebertab nganaset, koboto cheet ne o ne bunu tulonok che mengechen.
Ak asiach Jerusalem eng’ betusiechoto akweng’ate; ak abir bik che kigotepto kimnatenywa ko u divaik che mi ak misigikyik, che mwaei eng’ mugulelwekwak kole, Mayaei Jehovah ne mie, ama yaei yaitiet.
Egu betunoto betutab neregek, betutab nyalilda ak bichiindo, betutab ng’emisiet ak kubernatet, betutab mesundeito ak tuuindo, betutab bolik ak mesundeito ne nyigis.
Ak aipchi bik bichiindo, kot kobendat ko u bik che koriotin, amu kigoyachi Jehovah tengekto: ak ketumda korotikwak ko u temburiek, ak keranda borwekwak ko u ng’atatek.