In prɔfɛt dɛn fulish, na man dɛn we nɔ de waka tret wit PAPA GƆD; di man dɛn we de mek sakrifays fɔ pipul sin de dɔti wetin klin na PAPA GƆD yay, ɛn nɔ de rɛspɛkt di lɔ.
PAPA GƆD in de du tin tret wan ɔltɛm, i nɔ de du natin rɔŋ; ɛvride i nɔ de taya fɔ sho se i de du tin fia wan. Bɔt usay! Di pipul dɛn nɔ de chenj. Dɛn nɔ gɛt shem. Dɛn stil de du bad.
PAPA GƆD se pan ɔl we i dɔn dɔnawe wit dɛn neshɔn dɛn, ɛn nyamanyama dɛn siti, dɛn traŋa os ɛn wɔl dɛn. I dɔn mek dɛn trit dɛn fiba ples we nɔ fɔ pas, i dɔn mek di siti dɛn nɔ fit fɔ natin ɛn nɔ ivin lɛf wan pɔsin insay de.
PAPA GƆD se lɛ dɛn jɛs wet fɔ di tɛm we in go rɛdi fɔ tɔk bɔt ɔl wetin dɛn de du. I se in dɔn mekɔp in maynd fɔ briŋ ɔl di neshɔn dɛn togɛda dɔn i go sho dɛn aw i vɛks. Ɔl in jɛlɔs vɛksteshɔn nain i go put pan dɛn ɛn dɔnawe wit ɔlman na wɔl.
I se, da tɛm de dɛn nɔ go gɛt fɔ shem fɔ we dɛn bin mek lɛk rebɛl pan am, bikɔs in go pul ɔl di wan dɛn we bin de kak kɔmɔt midul dɛn. Dɔn di ɔda wan dɛn nɔ go gɛt chans fɔ de kak, bikɔs dɛn go de nain oli mawnten.
Di wan dɛn we go lɛf na Izrɛl go bi wan dɛn we nɔ go de ambɔg; dɛn nɔ go de lay, ɛn dɛn nɔ go miks pan rikishi. Dɛn nɔ go gɛt wan yagba ɛn so dɛn nɔ go fred nɔbɔdi.
PAPA GƆD de wit una; na sojaman so i mɔs mek una win. Dat go mek in at swit, dɔn, bikɔs i lɛk una, i go mek layf tan lɛk wetin i bin bi fɔs. Na una go mek i siŋ bikɔs in at gladi,
Wande wande, i go dil wit ɔl dɛn wan we de ambɔg una. I go ɛp dɛn wan we nɔ ebul waka ɛn briŋ ɔl udat bin go ɛgzayl kam bak. Dɔn i go mek dɛn ɛnimi dɛn kɔle ɛn mek ɔlman no dɛn ɛn prez dɛn na wɔl.
Wande wande go briŋ ɔlman kam bak na os, di tɛm we a go gɛda una ɔl wan say I go mek dɛn femɔs na di wanol wɔl di wanol wɔl go no una ɛn i go mek dɛn bi wetin dɛn bin bi fɔs unasɛf go si. Na so PAPA GƆD se.