Ĩndĩ yu ĩthĩwa na vinya, we Nzeluvaveli, easya ũu Yeova; na ĩthĩwa na vinya, we Yosua, mwana wa Yeosataki, mũthembi mũnene; na ĩthĩwai na vinya, inyw’ĩ andũ onthe ma nthĩ ĩno, na tethyai wĩa, easya ũu Yeova: nũndũ nĩ vamwe nenyu, easya ũu Yeova wa nguthu,
Ethĩwa ũmwe akakua nyama ntheu ovee mũthyanĩ wa ngũa yake, na mũthya wa ngũa yake ũikiita kĩmũtũ, kana ũsũũ, kana mbinyu, kana mauta, kana lĩu o na wĩva, kĩkatw’ĩka kĩtheu? Na athembi masũngĩa na masya, Aiee.
Nĩvo ĩndĩ Akai wasũngĩie na asya, Andũ aa mailyĩ ũu, na mbaĩ ĩno ĩilyĩ ũu mbee wakwa, easya ũu Yeova; na no ta ũu kĩla wĩa wa moko moo; na o kĩla mathembaa vo no kĩvuku.
Sũanĩai, nĩngũmwĩsũva, mũthenya ũũ, na sũanĩai mĩthenya ĩla mĩthelu, kuma mũthenya wa mĩongo ĩlĩ na ĩna wa mwei wa kenda, kuma mũthenya ũla mwambĩlĩlyo wa ĩkalũ ya Yeova wakwatiw’e, sũanĩai.
na ngang’uthũla kĩvĩla kya ũsumbĩ kya mosumbĩ; na ngaananga vinya wa mosumbĩ ma mbaĩ; na ngang’uthũlanga makasya ma kaũ, na ala makuĩtwe nĩmo; na mbalasi na ala maitũlĩte makavalũkangan’ya nthĩ, nũndũ wa kũtemangana na mbyũ, kĩla mũndũ na mwana‐a‐ĩthe.
Mũthenya ũsu, easya Yeova wa nguthu, ngakwosa, we Nzeluvaveli, mũthũkũmi wakwa, mwana wa Sealitieli, easya ũu Yeova, na ngakũtw’a ta ngome ya ũvana ũsilĩlo; nũndũ nĩnakũnyuvie, easya ũu Yeova wa nguthu.