Tikkere am saatanan waynaaɓe, mi ummanto jawɗi. Min Jawmiraawo honooɓe asama mi suklanto tokkere am, waato yimɓe Yahuuda. Mi laatinan ɓe bana puccu konu jaalotooŋgu.
Mi semmbiɗinan yimɓe Yahuuda, mi rimɗinan yimɓe Yusufu. Mi hooran ɓe, ngam mi woodi enɗam ngam maɓɓe. Ɓe laatoto bana mi meeɗaayno wudingo ɓe sam. Min woni Jawmiraawo Allah maɓɓe, mi jaaban tornde maɓɓe.
Mi wartiran ɓe diga lesdi Misra e lesdi Assuura. Mi mooɓtan ɓe, mi yahran ɓe nder lesdi Gile'at e dow kooseeje Libanon. Ammaa haa ton boo, pellel famɗanan ɓe.