“E lee ẹ, m'e d'e mẹ obodo Jerusalẹm wụrụ mkpu manya hụn k'a tụgbu alị ndị ọzọ ile nọhunmẹn'ẹ, ịya lẹ alị Juda ile makẹni wẹ k'e kehunmẹ Jerusalẹm lẹ Juda ile.
Osolobuẹ sị: o ru ogẹn hụ, m k'e bu egun che ẹshin ile ẹnya, tụ ndị rị e nyinn'ẹ ẹra. Kanị, m k'e dọnrin ẹnya lepụ ndị Juda ẹnya, mẹ ẹnya kpu ẹshin-agha alị ndị ọzọ ishi.
M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.
Alịnị ile k'a kwan ẹkwan: ebọn ọwụlẹ k'a kwan nke wẹ ichẹn-ichẹn: ikẹnnyẹ ebọn eze-Defidi gha a kwan nke wẹ, inyẹnmẹ wẹ hụ a kwan nke wẹ; ikẹnnyẹ ebọn Natanị gha a kwan nke wẹ, inyẹnmẹ wẹ hụ a kwan nke wẹ;