×

BIBELE 1951

Zakaria 12

1
Lentšu le le boletšwego ke Morena e ela Isiraele, ke la Morena moalalegodimo, mothealefase, mohlolamoyamothong.
2
Tsebang! Jerusalema ke tlo go dira senwelo setagaditšhaba thoko tšohle; le Juda ke tlo mo lela ka thakelelo ya Jerusalema.
3
Mehleng yeo Jerusalema ke tlo go dira lebje lerobaditšhaba. Baetšagolekuka le tlo ba gobatša, le merafo yohle ya lefase e le boka.
4
Mohla woo -- Morena o realo -- ke tlo otla pitsi tšohle ka poifa, banamedi ka ba otla ka bogafa. Moloko wa Juda ke tlo o hlapetša; pitsi tšohle tša ditšhaba ka di otla ka bofofu.
5
Babuši ba Juda pelong tša bona ba tlo re: Maatla a rena ke baagi ba Jerusalema ka Morena wa Mašaba Modimo wa rena.
6
Mohla woo babuši ba Juda e tlo ba magala makgolelwadikgonyeng, ba tlo etša diša ditšhumamašiši. Ba tlo ja ditšhaba tša mathoko ohle, go le letona, go la ntsogošo, mešo e go fela; mme motse wa Jerusalema o tlo dulwa o le fa Jerusalema.
7
Morena o tlo thoma ka go hlakodiša mekutwa ya Juda, gore tago la moloko wa Dafida le la ba Jerusalema le se tlo feta la Juda.
8
Mohla woo Morena o tlo šireletša ba Jerusalema, mmotlana wa bona a tlo ka Dafida, moloko wa Dafida wa tlo ka Modimo, o le bjalo ka Morongwa wa Morena o ba eta pele.
9
Mohla woo ke tlo nyaka tša go ka fediša tšhaba tšohle tša go tla go hula motse wa Jerusalema.
10
Ba moloko wa Dafida, le baagi ba Jerusalema, ke tlo ba tšhela Moya wa mabobo le wa merapelo; mme ba lebelela nna yo ba mo hlabilego; ba tlo mo llela sello sa motswalwaeši, sello se bohloko se e kego ke sa morwamogolo.
11
Mohla woo e tlo ba wa sello se segolo fa Jerusalema, se kakago sa Hadada wa Rimoni molaleng wa Megido (2 Koron. 35:22-25).
12
Sello se tlo enela ba lla ka moloko le moloko, ba moloko wa Dafida ba lla seng, basadi ba bona ba lla seng; ba moloko wa Nathani ba lla seng, basadi ba bona ba lla seng.
13
Ba moloko wa Balefi ba tlo lla seng, basadi ba bona ba lla seng. Ba moloko wa Simei ba tlo lla seng, basadi ba bona ba lla seng.
14
Le ba meloko e mengwe ba tlo lla seng, basadi ba bona ba lla seng.
Sotho Bible 1951
Bible Society of South Africa 1986
:
Boloka Lintlha