Ika Bible 2018
|
| 1 |
| O ru ogẹn hụ, isi-mirin hụn a chanchanpụ njọ lẹ ụrụ k'e kpupụnị ebọn Defidi lẹ ndị bi Jerusalẹm. |
| 2 |
| Osolobuẹ ihiẹn ile rị okpuru ẹ sị: “O ru ogẹn ahụn, m k'e wepụchanrịn ẹfan mmọn imẹ alị Izrẹlụ, nke wụnị anyanhankọzịdẹ wẹ wẹ; m k'e wepụzịkwọ ndị-amụma ntụ lẹ mmọn eje-obibi alịnị, |
| 3 |
| nke wụnị, onyẹ pụhazị sị n'ọ wụ onyẹ-amụma, nẹdi lẹ nnẹ mụn'a a sị a, ‘Ị k'a nwụnrịrị, makẹni y'e giọlẹ ẹfan Osolobuẹ bu amụma ntụ.’ Nẹdi ẹ lẹ nnẹ ẹ e gugbu ẹ, makẹni o bu amụma. |
| 4 |
| Ifẹnrẹn ibu-amụma k'a rị e mẹ ịhịan ogẹn ahụn; eyikọzi wẹ akpụkpọ-anụ nọkẹ ndị amụma amamgbe ịhịan a marịn wẹ. |
| 5 |
| Wẹ k'a rịd'a ghọrị, a sị, ‘Ẹlẹkwọ m onyẹ-amụma-o, ugbo kẹ m'a rụn; ugbo kẹ m'a rụn gha alị lala.’ |
| 6 |
| Onyẹ sị wẹ, ‘Kị wẹ rụsọnmẹn'i nwan ẹhụ ndịnị?!’ A sị w'a, ‘Iwe ndị ọwụ m kẹ wẹ nọkwọ rụ m ẹhụ!’ |
| 7 |
| “Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn. |
| 8 |
| Osolobuẹ sị: wẹ k'e gbupụ ụzọ ẹbụọ imẹ ụzọ ẹtọ ndị rị alịnị, la ụzọ ohu tọ; |
| 9 |
| m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ” |
| Save Notes |
https://beblia.bible:81/BibleAudio/ika/zechariah/013.mp3
14
13