1
Qassikka hara ajjuutan ba kushiyan likkiyo wodoruwaa oiqqida issi bitaniyaa be7aas.
2
Be7ada, taani, “Neeni au bai?” yaagada a oichchaas. Oichchin i, “Taani Yerusalaame gomppainne zananai ai keenakkonne be7anau, likkanau bais” yaagiis.
3
Hegaappe guyyiyan, tanaara haasayiya kiitanchchai kiyidi biis; qassi aara gaittanau hara kiitanchchaikka yiis.
4
Yiidi a hagaadan yaagiis; “Woxxa; woxxada he yelaga bitaniyaa, 'GODAI hagaadan yaagees; “Asaanne mehiyaa darotettaappe denddidaagan Yerusalaame katamaa yuushuwaa gimbbanau danddayettenna. Taani a yuushuwan tama dirssa gidana; taani a giddon bonchcho gidana” yaagees' yaaga” yaagiis.
5
6
GODAI ba asaa hagaadan yaagees; “Taani inttena ubbasan laalaas. SHin ha77i huuphessa bagga biittaappe kichchite!” yaagees.
7
Qassikka GODAI, “Inttenoo, Baabiloonen de7iyaageetoo, kessi ekkidi Xiyoone haa yiite!” yaagees.
8
Aissi giikko, Ubbaappe Wolqqaama GODAI ba bonchchuwaa qonccissidi, ba asaa bonqqida kawotettatukko tana kiittiiddi, hagaadan yaagiis; “Inttena bochchiyaagee ta aifiyaa buluwaa bochchees.
9
Be7ite, taani ta kushiyaa eta bollan wuxaawuxana; qassi etikka kase bantta ashkkaratun omoodettana” yaagiis. He wode intte Ubbaappe Wolqqaama GODAI tana kiittidoogaa erana.
10
GODAI hagaadan yaagees; “Xiyoone asau, yexxitenne ufaittite! Aissi giikko, taani yaada intte giddon de7ana” yaagees.
11
He wode daro Aihuda gidenna kawotettati GODAARA gaittidi, a asa gidana; ikka eta giddon de7ana. Qassi inttekka Ubbaappe Wolqqaama GODAI tana inttekko kiittidoogaa he wode erana.
12
Geeshsha biittan GODAI Yihudaa bana gakkida shaaho oottidi laattana; Yerusalaamekka i zaarettidi doorana.
13
GODAI ba de7iyo geeshsha sohuwan denddiis; hegaa gishshau, asho maayida ubbai a sinttan co77u go!
Wolaytta Bible 2002
Wolaytta Bible Bible Society of Ethiopia, 2002