Ika Bible 2018
|
| 1 |
| Osolobuẹ ghọsị m onyẹ-isi nchụn-ẹjan wụ Joshụa k'o turu ihun mmọn-ozi Osolobuẹ; Ekwensụ wuzo ẹka-nni ẹ n'o kpe ẹ ikpe. |
| 2 |
| Ya kẹ Osolobuẹ nọ sị Ekwensụ, “Ịyụ wụ Ekwensụ, Osolobuẹ a jụgbọ ị! Osolobuẹ hụn gi ẹka a họrị Jerusalẹm a jụgbọ ị! Ẹlẹ nkụn wẹ gha ọkụn lọpụha kẹ okẹnnyẹni wụdẹ?” |
| 3 |
| Joshụa nkẹ yihụ ẹkwa ru unyin ebẹhụ o turu ihun mmọn-ozi Osolobuẹ. |
| 4 |
| Mmọn-ozi ahụn nọ sị ndị turu ihun ẹ, “Gbụpụ n'a ẹkwa ndị hụ ru unyin.” Ọ sị Joshụa, “Lee ẹ, e wepụgụọ m njọ ị; m jẹnkọ nwan d'e yimẹ i ẹwuru rị mma.” |
| 5 |
| Ya m nọ sị, “Bu ni nwan okpu nwunni che ẹ isi.” Ya wẹ nọ bu okpu nwunni che ẹ isi, yimẹ ẹ ẹwuru. Mmọn-ozi Osolobuẹ turuhụkwọ ebẹhụ ogẹn hụ. |
| 6 |
| Ya mmọn-ozi Osolobuẹ nọ gwapụ Joshụa oku, sị a, |
| 7 |
| “Osolobuẹ ihiẹn ile rị okpuru ẹ sị, ‘Omẹni y'e sọn ụzọ m, kwọnkẹnmẹ ihiẹn m ku, i sikọ d'a kị Ụlọ-nsọ m, lepụ ezi-ọgwa m ile ẹnya, e mẹ m'i sọn ndịnị turu ebeni a pụ, a banhan. |
| 8 |
| Gọn nwan ntịn Joshụa, onyẹ-isi ndị nchụn-ẹjan, ịyụ lẹ ndị nchụn-ẹjan ibe i hụn a rụn okpuru i, makẹni ụnụ wụ ihiẹn-ahịma m gi a ghọsị ihiẹn jẹnkọ d'e mẹni: M sikọ d'e wẹhẹ odibo m wụ Agalaba. |
| 9 |
| E butọgụọ m ọmụma ihun Joshụa; akpụ-ọmụma ohu hụn nwọn ihun ẹsa. M sikọ d'e deye ihiẹn ẹhụ a kẹ w'e deye ihiẹn elu ọmụma: M k'e gi akpọhịn ohu wepụ njọ alịnị mẹ. Ya kẹ Osolobuẹ ihiẹn ile rị okpuru ẹ ku. |
| 10 |
| O ru ogẹn ahụn, onyẹ-onyẹ imẹ ụnụ k'e nwọnrin alị vaịnị lẹ figi, a kpọdẹ ibe ẹ d'e du ẹ ri, ra.’ Ya kẹ Osolobuẹ ihiẹn ile rị okpuru ẹ ku.” |
| Save Notes |
https://beblia.bible:81/BibleAudio/ika/zechariah/003.mp3
14
3