Nws hais rau kuv tias, “Koj pom dabtsi?” Kuv teb tias, “Kuv pom ib lub chaw txawb teeb yog muab kub ua huvsi. Muaj ib lub phaj txawb saum lub chaw ntawd thiab muaj xya lub teeb txawb hauv lub phaj, thiab muaj xya tus teeb xeeb.
“Xelunpanpee txhais tes pua tej taw uas ua lub tuam tsev no thiab nws txhais tes yuav ua kom tiav. Mas koj yuav paub tias yog Yawmsaub uas muaj hwjchim loj kawg nkaus txib kuv los rau nej.
Yog leejtwg saib tsis taus hnub uas ua tej haujlwm me me mas nws yuav zoo siab thaum uas pom lub qe hlau uas ntsuas qhov ntseg hauv Xelunpanpee txhais tes. (Xya lub teeb no yog Yawmsaub li qhov muag uas pom tag nrho lub qab ntuj no.)”