Ogẹn ẹshin ndịnị ka ẹhụ gi pụha, ọ hụ a dụ wẹ nị wẹ jẹnmẹ ozigbo-ozigbo d'a ghahunmẹ elu ụwa. Osolobuẹ nọ sị wẹ, “Jẹnmẹ ni d'a ghahunmẹ elu ụwa!” Ya wẹ nọ jẹn d'a ghahunmẹmẹ elu-ụwa.
Y'a sị a, ‘Osolobuẹ ihiẹn ile rị okpuru ẹ sị: Ọnwan wụ okẹnnyẹ hụn ẹfan a wụ “Agalaba”. O sikọ d'a nọ ebe ọ rị wa agala; ịya jẹnkọ d'a tụn Ụlọ-NSỌ Osolobuẹ.
Ịya sikọ d'a tụn Ụlọ-NSỌ Osolobuẹ; o k'e nwọn ọghọ ndị-nze; o k'a nọdị ukpo ẹ, kị. Ọ k'a wụzị onyẹ nchụn-ẹjan ebe ọ rị ukpo ẹ a kị. Ọrụn a ẹbụbụọnị k'a layechanrịn.’
“Ndị rịdẹ ebe teni sikọ d'a bịa d'e ye ẹka tụn Ụlọ-NSỌ Osolobuẹ. Ogẹn ahụn, ụnụ e gi ẹ marịn nị Osolobuẹ lẹ enwẹn ẹ hụn ihiẹn ile rị okpuru ẹ zi m d'a gwa ụnụ oku. “Ihiẹnni k'e mẹ omẹni ụnụ hụ e mẹ ihiẹn Osolobuẹ wụ Chuku ụnụ ku, e mẹshi ẹ ikẹn.”