O bordon kai inllarena le e gra kale llelo karing e phuv kai si ando norte, ta o bordon kai inllarena le e gra parrne llelo pala le. O bordon kai inllarena le e gra kai dikhona sargo molivi llelo ando sur.
O Jeldai, o Tobias ta o Jedaias sea phangle ande Babilonia, a irisaile kotar. Goleke lla isto allive kai o cher e Josiaseko chavo katar o Sofonias, ta le len.
ta phen leke: Gia phenel o Del kai si le sa e zor: Gava si o lleno kai leko anav si nevi patrin zeleni soke letar ka liken krangura zelene. Vou ka vazdel o cher e Devleko.
Ta gola kai si dur, ka aven ta ka pomozin te vazden o cher e Devleko. Gia ka llanen kai o Del kai si le sa e zor bichalda man. Gua ka avelpe te asunen e Devleko avazi ta te cheren leki volia.