Pheisaihzy Abeipa o liata a ypa theihthaipazy nata hrohsopazy hnohta, “Kô hluhpi ei vaw tao tyhpa hawhta, thla pangawhna a vaw diehna maihta apananopa ta kâhvileipa ta nata mâchhiesapa ta ei y aw ma?” tahpa ta hiahri ei ta.
“Râh chhôh liata chyhsa zydua nata theihthaipazy hiahri teh, ‘Kha kô sysari chhôh zydua liata, thla pangawhna nata thla sarina maihta kâhvileipa ta nata mâchhiesapa ta nama y tyhpa kha, keima châta kâhvileipa ta a ypa nama châ tlai ma?
Hezy he Zerusale nata a chheipâh khihzy huhiehpa nata lôhrâtlôpa ta ama y daihti nata Neke nata Sephelâ zy liata chyhsa ama pahrâ daihti liata, hrohsopa hmiatuapazy hmâpa ta Abeipa ta a phuahpa biezy kha châ vei ma?’” tah ta.
Ama palôh cha pachielô châkarôpa hawhta pachâsa ei ta, Pheisaihzy Abeipa Thlahpa ta hrohsopa hmiatuapazy hmâpa ta a reipa ryhpa bie nata chhoreina biezy nathlie khoh veih ei. Chavâta Pheisaihzy Abeipa hiehâhna rarôh ypa cha vaw tlô ta.
Khisô paipa hawhta, ama pahno leipa phopizy lâta ei papai ha ei. Chavâta ama siesaipa râh cha roryhrapa ta y ta, a ngiapa nata a puapa y khao veih ei. Râh khochhih ngaitapa cha roryhrapa râh lâta ama pachâsa haw,” Pheisaihzy Abeipa ta a tah.