यो परमप्रभुको सन्देश हो; हद्राक देश र दमस्कस सहरको विरुद्धमा परमप्रभुले दण्डको आज्ञा गर्नुभएको छ। इस्राएलका कुलहरू मात्र होइन तर अरामको राजधानी सहर पनि परमप्रभुका हुन्।
त्यो देखेर अश्कलोन सहर डराउनेछ र गाजा सहरलाई ठूलो पीर पर्नेछ। त्यो एक्रोनले देख्नेछ र आफ्नो आशा मार्नेछ। गाजाको राजा नष्ट हुनेछ र अश्कलोन निर्जन हुनेछ।
अब उसो तिनीहरूले मनाइ गरिएको रगतसितको मासु खाने छैनन्। तिनीहरूबाट बाँकी रहेकाहरू मेरो प्रजाको एउटा भाग बन्नेछ र यहूदाको एउटा कुलजस्तै हुनेछ। यबूसीहरूजस्तै एक्रोन मेरो प्रजाको एउटा अंश हुनेछ।
म मेरो देशको रक्षा गर्नेछु र त्यसका बीचबाट कुनै सेना जान दिनेछैनँ। म कुनै अत्याचारीलाई अब मेरो प्रजामाथि थिचोमिचो गर्न दिनेछैनँ कारण अब मैले तिनीहरूमाथि रेखदेख गरिरहेको छु।”
रमाओ, हे सियोनका बासिन्दाहरू हो, रमाओ! हे यरूशलेमका मानिसहरू हो, आनन्दले सोर मच्चाओ! हेर, तिमीहरूका राजा तिमीहरूकहाँ आउँदै हुनुहुन्छ। विजय र उद्धारको साथ आउनुहुन्छ, तर नम्र बनी गधामा अर्थात् गधैनीको बछेडामा चढी आउनुहुन्छ।