Ika Bible 2018
|
| 1 |
| “Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba. |
| 2 |
| “Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ! |
| 3 |
| Ụnụ a zọkpụkpọ ndị-njọ, makẹni wẹ k'a rị kẹ ntụn okpuru ụkụ ụnụ ụhụọhịn m k'e mẹ ihiẹn m k'e mẹ. Ya kẹ Osolobuẹ ihiẹn ile rị okpuru ẹ ku. |
| 4 |
| “Nyanhankwọ nị Iwu odibo m wụ Mozizi, iwu lẹ ọdịnalị ile m ye ẹ elu Ugu Saịnaị wụ Horẹbụ n'o tumẹni Izrẹlụ ile. |
| 5 |
| M k'e zihẹni ụnụ Ẹlaịja onyẹ-amụma Ụhụọhịn Osolobuẹ gini d'e ru, okẹn ụhụọhịn hụ a tụ egun; |
| 6 |
| o k'e mẹ ndị nẹdi romẹzi ụmụ wẹ, mẹ ụmụ romẹzi ndị nẹdi wẹ — m bịa, amamgbe m'e tikpọ alịnị makẹni ọ rụgụọ.” |
| Save Notes |
https://beblia.bible:81/BibleAudio/ika/malachi/004.mp3
4
4