«Tʋm neb tɩ b reng taoore n bãng Kanaã tẽnga nenga tɩ yaa tẽn-kãng la m dɩk n kõ Israyɛl kamba. Y na n yãka ned a ye sak fãa pʋgẽ, ned faa ne a ba-biisi. Y na n tũus-b-la Israyɛl nin-tɩɩsa sʋka.»
Y na bãng tẽnga sã n ket n tara sɩɩlem bɩ a sã n sãbgame; a sã n tara tɩɩse bɩ a sã n ka tare. Modg-y n wa ne b tɩɩsa biisi.» Da yaa Tamuz kiuugu, kiuug a naas soaba, sib moama kiuugu.
B saaga Negɛb n ta Ebrõ, be la a Ayiman, a Sesayi la a Talmayi yagensa da kẽeda. Bãmb la Anakitsa yagense. Yaa nin-wogd buudu. Ebrõ sẽn ya bãmb tẽngã meeme tɩ yʋʋm maana a yopoe, tɩ b yaool n me Tanis, Ezipt tẽnga.
B wa n pooga Eskol bãg-faaga la b kɛɛga bugsuntung willi ne a sib gĩndi. B kɛɛga raoog n palg gĩnda tɩ neb a yiib tʋk-a. B fãsa kankama la tɩ-biis sẽn wẽnd pooloomse.
B waa n yãenda a Moyiiz, a Aarõ, la Israyɛl kamba, Parã zĩ-peen-daagẽ, Kadɛs tẽnga. B wilga b fãa gilli b kẽnda sẽn yɩ a soaba la b wilg-b-la tẽnga tɩɩs biisi.
Neba da rat n kɩɩsa a Moyiiz, la a Kalɛb kɩtame tɩ b sĩndi la ad-a sẽn yeele: «Yik-y tɩ d looge, n tɩ reeg tẽmsã tɩ daar a ye d na waa n tõog n wõr-ba.»