Amu nee si komutwech Kamuktaindet ne Toroor kebwa emoni, si kobiit kebarech eng' rotwetap chok? Ak koek osotikyok ak lagokyok luulenik. Tos ma kaigai keeweekyigei Misiri?”
Ago kimwae tuiyet komugul kole kelach icheek eng' koik. Ki took ak komong'ji piigap Israel tugul liilindap Kamuktaindet ne Toroor eng' emait ne kituiyechin.
Ak kiteebe `Kamuktaindet ne Toroor Musa koleenji, “Renya pichu kot kotyanit? Ma iyana agoi au, agot nganda ki ayai kaboorunoichooto tugul eng' kwenunnywa?
‘Ma sip konereechi Kamuktaindet ne Toroor ak ko nyiitaat rireenet, ne nyochin kaat tengekto ak pistoet ama nyochin kaat puch kiptengekyot; ago iityin lagok agobo tengektap kwanisyekwak agoi ibinda ne po somok ak ne po ang'wan.’
koma mi agot agenge eng' pichu tugul che ki kogeer toroorindanyu ak kaboorunoikyuk che ki ayai eng' Misiri ak eng' surkwen. Ko uu ye ki kotyema konyil taman, ama epchi iit kutinnyu,
mooite emonooto iman ne ki ayosyechigei ale agoonok omeny olooto, kobatee Kaleb weeriitap Jepune ak Joshua weeriitap Nun, chooto icheegei kityo che itei.
Ko uu koitetap peetuusyek che ki otar eng' segeetap emet, chooto peetuusyek artam, ko peetuut age tugul ko kenyiit, oiboti anyun tengekwogikwok kenyiisyek artam si kobiit onai ye aistoenok kayomisutyennyu.’
Ki pek pichooto che ki iyookto Musa koba kosegei emet, che ki week, che ki pwa kogoochi piik kong'unyng'ung'ji ineendet, amu ng'aleek che yaach che ki ip agobo emonooto.
Ki ng'eetyo anyun karon miising' ak kotogosta agoi tulweet parak koleen, “Kimi yu, kagibe ketogoste ole ki komwa Kamuktaindet ne Toroor, amu kogeyai tengekto.”
Amu mi taing'wong' eng' olooto Amelegik ak Kanaanik. Amu ki oweegei let ama osup Kamuktaindet ne Toroor, koma mi anyun ineendet kobootok ak ki parok eng' rotwetap chok.”
Agot nga uu nooto, ko ki ma kas iit icheek, ago ki pa kin icheek agoi tulweet parak. Ki ma kiip moingetap arorutyetap Kamuktaindet ne Toroor eng' nganaseet ak ki ma wo Musa agine.