A Kore yaa a Yisear biiga, t'a Yisear yaa a Keyat biiga, t'a Keyat yaa a Levi biiga. Yẽ n tõg-tõg a Datã ne a Abiram, a Eliyab kamba, n paas a On, a Pelɛt biiga, a Rubẽ yagenga.
B sɩnga gugleng ne a Moyiiz la a Aarõ n yetẽ: «Ya n sekame! Zãma wã ka tʋk yell bilfr meng a zug ye la Soaala-Wẽnd be-la d sʋka. Bõe tɩ yãmb dat n maan wala y yɩɩda y taaba?»
A yeela a Kore ne a nebã: «Beoog yibeoogo Soaala-Wẽnd meng n na n welg b welgre n wilg sẽn ya-a sõngo la a tõe n kolg bãmba. B sẽn welg a soab toorã n na n tõog n kolg-ba.
Ad-y y sẽn paam a Israyɛl Wẽnnaama nengẽ ka paood ye. Bãmb welga yãmb toor Israyɛl kamba sʋka tɩ y tõe n kolg Soaala n tʋm b sɛka roog tʋʋma la y reeg zãma wã zĩiga n waoog-ba.
Sɩda ka tẽng sẽn bund bĩisim la sɩɩd pʋgẽ la f waa n kẽes-d ye, d pa reeg f nengẽ pʋt la bugsuntund ye. Fo tẽedame tɩ d nin ka puk laa? D ka na n dɩk sor ye!»
A Kore ne a poorẽ dãmba reega a noore: ned kam fãa dɩka a wisd laaga, n ning wisdu, n ning tɩdar sẽn tar yũ-noogo, n wa yals sɛka roog noore. A Moyiiz ne a Aarõ me waame.