“Izarei sawzy hetana heta chho teh: Izarei chi hrawh hleino chhituhpazy tawhta, chi kha tawhta chôchahrei miakha lymâ ta, chôchahrei mia hrawh hleino la aw chi ta, ama chôchahrei chyu liata ama moh na roh khai aw.
Cha hawhna chata Mawsi ta Izarei sawzy cha chho ta. Ama chhituhpazy ta chôchahreizy a hnohta vaw pie ei ta, chhituhpa pakha ta chôchahrei miakha lymâ ta, ama chi yzie hawhta chôchahrei mia hrawh hleino pie ei ta. Arawna chôchahrei chhao ama chôchahreizy hry liata â hlao hra.
A mylâ ta Mawsi cha Biehrai Byh poh o lâ vawh ta, Livai chi Arawna chôchahrei cha a chhyh kaw thao ta, a pawzy pabyuh ta, a pawzy pakaipa ta, kuasâh thei hmohpazy a patheipa hmô ta.
Abeipa ta Mawsi hnohta, “Arawna chôchahrei kha Biehrai Byh hmiakô liata soh pathi teh. Chyhsa chakhia hmâhpa sawzy ama châ tahpa ngiana châta châ aw ta, chatanachata eina chakhiana ei cha padia aw chi ta, thi aw veih ei,” tah ta.