B rɩk nin-bãmba sẽn yao b beegra ne b yõorã, b rɩk b wisda laase n kud-b tɩ b lebg paklse n tableg maan-kugrã; yaa kũun sẽn ta Soaala-Wẽnd taoore n lebg bõn-sõma. B na yɩ wa bũmb sẽn nekd Israyɛl kamba pʋ-tẽere.»
Yaa bũmb sẽn nekd a Israyɛl kamba pʋ-tẽere tɩ nin-zaalga, ned ning fãa sẽn ka a Aarõ buudu, da saag n kolg Soaala-Wẽnd taoor ne wisdu n wa ki wala a Kore ne a nebã, wala Soaala-Wẽnd sẽn da wilg a Moyiiz.
t'a Moyiiz yeel a Aarõ: «Dɩk wisd laaga n yãk maan-kugra bugum n ning tɩdare la f ta neba sʋka. Maan f sẽn tog n maan bũmb ning t'a paama a yel-wẽnda sugri, tɩ Soaala-Wẽnd sũura puuga wʋsgo la tẽn-kũuma zoe n sɩngame.»
A Aarõ dɩka wisda laaga wala a Moyiiz sẽn yeel-a la a wudg n ta zãma wã sʋka la a mikame tɩ tẽn-kũuma zoe n sɩngame. A ninga tɩdarã n maan sugr kosgo neba yĩnga.
A Moyiiz taasa koɛɛga Israyɛl kamba. Kãsem-dãmba waa n kɩs-a-la rasaare, roog fãa waa ne a ye. Dɩlla yaa bãmb piig la a yiib la a reeg yã, a Aarõ rẽnna sã n naage.
Vẽkẽmbeoogo, a Moyiiz sẽn kẽ sõmblem dooga pʋga, a mikame t'a Levi yagenga, a Aarõ, rasaara tobame; a ninga vãoogo, a ninga puugu n tol n bɩɩs a biisi.
Tɩ Soaala-Wẽnd na n yeel a Moyiiz: «Lebs a Aarõ rasaara kuga walsa koglga sɛɛga. A na n paa be n kõ Israyɛl kamba kaseto tɩ b b yaa tõatb buudu. Woto wɩdsa sẽn wɩt maama na n sɛɛme la kũum kõn le ki ye.»