شرق طرفئنده، گون دوغان طرف او بؤلوکلر کی، یهودا اوردوگاهینا عاییددیرلار، اؤز بایراغینین آلتیندا دوشَرگه سالسینلار. یهودالیلارین رهبری عَمّئناداب اوغلو نَخشون اولسون.
جنوب طرفئنده او بؤلوکلر کی، رِعوبئن اوردوگاهینا عاییددیرلار، اؤز بایراغینین آلتیندا دوشَرگه سالاجاقلار. رِعوبئنلیلرئن رهبری شِدِهاور اوغلو اِلئصور اولسون.
قرب طرفئنده او بؤلوکلر کی، اِفرایئم اوردوگاهینا عاییددیرلار، اؤز بایراغینین آلتیندا دوشَرگه سالاجاقلار. اِفرایئملیلرئن رهبری عَمّئهود اوغلو اِلئشاماع اولسون.
شئمال طرفئنده او بؤلوکلر کی، دان اوردوگاهینا عاییددیرلار، اؤز بایراغینین آلتیندا دوشَرگه سالاجاقلار. دانلیلارین رهبری عَمّئشَدّای اوغلو اَخئعِزِر اولسون.
ائسرایئل اؤولادلاری ربّئن موسایا امر اتدئیی هر شیی یرئنه یتئردئلر. بایراقلارینین آلتیندا بله دوشَرگه سالدیلار و هر کس اؤز عایئلهسی ائله آتاسینین اِو اَهلئنه گؤره بله یولا دوشدو.