|
| 1 |
|
| أَوَتَ نَڢَرْكُواْ، دُكَنْ جَمَعَرْ إِسْرَٰٓءِيلَاوَا سُكَذُواْ دَاجِنْ ظِنْ، سَيْ سُكَ كَڢَ ذَنْغُوانْسُ أَ كَدٜىٰشْ؞ أَوُرِنْ نٜىٰ مَرْيَمُ تَمُتُ، كُمَ أَوُرِنْ نٜىٰ عَكَ بِنّٜىٰتَ؞ |
|
| 2 |
|
| أَوُرِنْ كُوَ بَ ضُوً دَ جَمَعَرْ ذَاسُ شَا؞ سَيْ سُكَ تَارُ سُكَ تَيَرْ وَ مُوسَٰى دَ هَٰرُونَ؞ |
|
| 3 |
|
| سَيْ مُتَنٜىٰ سُكَيِ غُنَغُنِ سُكَثٜىٰ «أَيْ دَمَا مُنْ مُتُ كَمَرْ يَدَّ یَنْعُوَنْمُ سُكَ مُتُ أَغَبَنْ يَهْوٜىٰهْ! |
|
| 4 |
|
| دُوانْمٜىٰ كُكَ كَٰوُاْ تَارُوانْ جَمَعَرْ يَهْوٜىٰهْ أَوَنَّنْ دَاجِ مَرَرْ كُواْمٜىٰ دُواْمِنْ مُمُتُ، مُو دَ دُكَنْ دَبُّواْبِنْمُ؟ |
|
| 5 |
|
| دُوانْمٜىٰ كُكَ ڢِتَرْ دَمُو دَغَ ڧَسَرْ مَصَرْ كُكَ كَٰوُاْمُ أَوَنَّنْ مُوغُنْ وُرِے عِنْدَ بَابُ كُواْمٜىٰ؟ بَا وُرِے نٜىٰ عِنْدَ ذَاعَ شُوكَ حَڟِ، كُواْ ٻَوْرٜىٰ، كُواْ إِتَاثٜىٰنْ إِنَبِے، كُواْ رُمَّنْبَ؞ بَابُ كُواْ ضُوً شَا!» |
|
| 6 |
|
| سَيْ مُوسَٰى دَ هَٰرُونَ سُكَ بَرْ تَارُوانْ جَمَعَ سُكَ ڟَيَ أَغَبَنْ ڧُواْڢَرْ تٜىٰنْتِنْ سَدُوَ، سُكَ ڢَاطِ دَ ڢُسْكَرْسُ حَرْ ڧَسَا؞ سَيْغَا حَصْكٜىٰنْ طَوْكَكَرْ يَهْوٜىٰهْ يَبَيَّنَ أَغَرٜىٰسُ؞ |
|
| 7 |
|
| سَيْ يَهْوٜىٰهْ يَيِ مَغَنَ دَ مُوسَٰى ثٜىٰوَ |
|
| 8 |
|
| «كَطَوْكِ سَنْدَنْ دَكَيْ دَ طَنْعُوَنْكَ هَٰرُونَ كُتَتَّارَ جَمَعَ دُكَ؞ أَ عِدُوانْ جَمَعَ، سَيْ كَيِ مَغَنَ دَ دُوڟٜىٰنَّنْ ثٜىٰوَ يَبَادَ ضُوً دَيَكٜىٰ ثِكِنْسَ؞ تَهَكَنٜىٰ ذَاكَ ڢِتَرْدَ ضُوَ دَغَ دُوڟٜىٰ دُواْمِنْسُ، ضُوً شَا دُواْمِنْ جَمَعَ دَ دَبُّواْبِنْسُ؞» |
|
| 9 |
|
| سَيْ مُوسَٰى يَتَڢِے يَطَوْكِ سَنْدَا دَغَ غَبَنْ يَهْوٜىٰهْ كَمَرْ يَدَّ يَهْوٜىٰهْ يَعُمَرْثٜىٰشِ؞ |
|
| 10 |
|
| سَيْ مُوسَٰى دَ هَٰرُونَ سُكَ تَارَ جَمَعَ دُكَ أَغَبَنْ دُوڟٜىٰنْ؞ سَعَنً مُوسَٰى يَثٜىٰ مُسُ «كُكَسَ كُنّٜىٰ، يَا كُو یَنْ تَاوَيٜىٰ! دَغَ وَنَّنْ دُوڟٜىٰ كُكٜىٰسُواْ مُڢِتُواْ مُكُ دَ ضُوَ؟» |
|
| 11 |
|
| سَيْ مُوسَٰى يَطَغَ حَنُّنْسَ يَبُغِ دُوڟٜىٰنْ سَوْ بِيُ دَ سَنْدَنْ؞ سَيْ ضُوَ مَيْ يَوَ يَٻَرْكٜىٰ دَغَ دُوڟٜىٰنْ؞ دُكَنْ مُتَنٜىٰ دَ دَبُّواْبِنْسُ سُكَشَا؞ |
|
| 12 |
|
| عَمَّا يَهْوٜىٰهْ يَثٜىٰ وَ مُوسَٰى دَ هَٰرُونَ «تُنْدَيَكٜىٰ بَكُ أَمِنْثٜىٰ دَنِے بَ، بَكُ كُمَ طَوْكَكَ ڟَرْكِنَ أَغَبَنْ تَارُوانْ جَمَعَرْ إِسْرَٰٓءِيلَ بَ، تُواْ، بَذَاكُ كَيْ جَمَعَرْ نَنْ ذُوَا ڧَسَرْدَ نَيِ مُسُ أَلْڧَوَرِ إِنْبَاسُبَ؞» |
|
| 13 |
|
| أَنْكِرَا وُرِنْ ضُوًنَنْ دَ سُونَ مٜىٰرِبَ، سَبُواْدَ أَوُرِنْ نٜىٰ جَمَعَرْ إِسْرَٰٓءِيلَ سُكَيِ وَ يَهْوٜىٰهْ غُنَغُنِ؞ أَ نَنْ كَدٜىٰشْ كُمَ يَهْوٜىٰهْ يَنُونَ مُسُ لَلَّيْ شِے مَيْ ڟَرْكِے نٜىٰ؞ |
|
| 14 |
|
| سَيْ مُوسَٰى يَعَيْكَرْ دَ یَنْ عَيْكَ دَغَ كَدٜىٰشْ ذُوَا وُرِنْ سَرْكِنْ عٜىٰدُوامْ دُواْمِنْ سُثٜىٰ مَسَ، «إِنْجِ طَنْعُوَنْكَ إِسْرَٰٓءِيلَ، كَا دَيْ سَنْ وَهَلَرْدَ تَسَامٜىٰمُ، |
|
| 15 |
|
| يَدَّ كَاكَنِّنْمُ سُكَ غَنْغَرَ ذُوَا ڧَسَرْ مَصَرْ مُكَ كُمَ دَطٜىٰ عَثَنْ؞ كَا كُمَ سَنْ يَدَّ مَصَرَاوَا سُكَ وُلَڧَنْتَ دَمُو دَ كَاكَنِّنْمُ؞ |
|
| 16 |
|
| سَعَدَّ مُكَيِ كُوكَا غَ يَهْوٜىٰهْ ، سَيْ يَجِ كُوكَنْمُ، يَكُمَ عَيْكَرْ دَ مَلاَىِٕكَ وَنْدَ يَڢِتَرْ دَمُو دَغَ ڧَسَرْ مَصَرْ؞ يَنْذُ دَيْ غَامُو نَنْ أَ كَدٜىٰشْ، وَنِ غَرِنْ دَيَكٜىٰ عَ إِيَاكَرْ يَنْكِنْكَ؞ |
|
| 17 |
|
| مُنَ ضُواْڧُوانْكَ، بَرِ كَيَرْدَ مَنَ مُبِے تَڧَسَرْكَ؞ بَذَامُبِے تَثِكِنْ غُواْنَكِنْكَ بَ، كُواْ غُواْنَكِنْ إِنَبِنْكَبَ؞ بَذَامُ شَا ضُوَ دَغَ وَتَ رِجِيَرْكَبَ؞ ذَامُبِے تَهَنْيَرْ سَرْكِے كَوَيْ، بَذَامُ كَوْثٜىٰ ذُوَا حَنُّنْ هَغُ كُواْ حَنُّنْ دَامَبَ، حَرْ مُڢِتَ دَغَ يَنْكِنْكَ؞» |
|
| 18 |
|
| عَمَّا سَرْكِنْ عٜىٰدُوامْ يَأَمْسَ يَثٜىٰ «بَذَاكَبِے تَثِكِنْ يَنْكِنَ بَ! عِدَنْ كَكُسْكُرَ، ذَامُ ڢِتَ مُڢَاطَ مُكُ دَ يَاڧِ؞» |
|
| 19 |
|
| سَيْ یَنْ عَيْكَ دَغَ إِسْرَٰٓءِيلَ سُكَ أَمْسَ سُكَثٜىٰ «ذَامُبِے بَبَّرْ حَنْيَ نٜىٰ كَوَيْ، كُمَ عِدَنْ وَنِنْمُ كُواْ وَتَ دَبَّرْمُ يَشَا ضُوَنْكَ، ذَامُ بِيَ؞ ڧَرَمِنْ أَبُ نٜىٰ مُكٜىٰ ضُواْڧُواْ؞ كَيْ دَيْ، كَيَرْدَ مَنَ مُوُثٜىٰ كَوَيْ؞» |
|
| 20 |
|
| عَمَّا سَرْكِنْ عٜىٰدُوامْ يَسَاكٜىٰ ثٜىٰوَ «نَڧِ!» سَيْ عٜىٰدُواْمَاوَا سُكَ ڢِتُواْ دَ سُواْجُواْجِ دَيَوَ مَاسُ ڧَرْڢِے دُواْمِنْ سُيَاڧٜىٰسُ؞ |
|
| 21 |
|
| تَهَكَنٜىٰ سَرْكِنْ عٜىٰدُوامْ يَحَنَ وَ إِسْرَٰٓءِيلَاوَا سُبِے تَثِكِنْ يَنْكِنْسَ؞ سَيْ إِسْرَٰٓءِيلَاوَا سُكَ جُويَا سُكَبِے تَوَتَ حَنْيَ سُكَ تَڢِے؞ |
|
| 22 |
|
| سَيْ دُكَنْ جَمَعَرْ إِسْرَٰٓءِيلَ سُكَتَاشِ دَغَ كَدٜىٰشْ سُكَ كَامَ حَنْيَ سُكَ كَيْ بَبَّنْ تُدُنْ هُوارْ، |
|
| 23 |
|
| عَ إِيَاكَرْ ڧَسَرْ عٜىٰدُوامْ؞ أَوُرِنْ نٜىٰ يَهْوٜىٰهْ يَثٜىٰ وَ مُوسَٰى دَ هَٰرُونَ، |
|
| 24 |
|
| «هَٰرُونَ ذَيْ مُتُ يَبِے كَاكَنِّنْسَ؞ بَذَيْ شِغَ ثِكِنْ ڧَسَرْدَ نَيِ أَلْڧَوَرِ إِنْبَا إِسْرَٰٓءِيلَ بَ، غَمَا كَيْ دَشِ، كُكَ تَيَرْوَ عُمَرْنِنْدَ نَبَاكُ غَمٜىٰدَ ضُوَيٜىٰنْ مٜىٰرِبَ أَ كَدٜىٰشْ؞ |
|
| 25 |
|
| كَطَوْكِ هَٰرُونَ دَ طَنْسَ عٜىٰلٜىٰيَظَرْ كَهَوْرَ تَرٜىٰدَسُو عَبَبَّنْ تُدُنْ هُوارْ؞ |
|
| 26 |
|
| أَوُرِنْ ذَاكَ تُوٻٜىٰ رِيغُنَنْ ڢِرِسْتِ دَغَ جِكِنْ هَٰرُونَ، كَسَا وَطَنْسَ عٜىٰلٜىٰيَظَرْ؞ غَمَا هَٰرُونَ ذَيْ مُتُ أَوُرِنْ يَبِے كَاكَنِّنْسَ؞» |
|
| 27 |
|
| مُوسَٰى كُوَ يَيِ يَدَّ يَهْوٜىٰهْ يَعُمَرْثٜىٰشِ؞ سُكَ هَوْرَ كَنْ بَبَّنْ تُدُنْ هُوارْ أَعِدُوانْ دُكَنْ تَارُوانْ جَمَعَ؞ |
|
| 28 |
|
| سَيْ مُوسَٰى يَتُوٻٜىٰ رِيغُنَنْ ڢِرِسْتِ دَغَ جِكِنْ هَٰرُونَ، يَسَاوَ عٜىٰلٜىٰيَظَرْ طَنْ هَٰرُونَ؞ أَوُرِنْ عَكَنْ بَبَّنْ تُدُنْ هُوارْ، هَٰرُونَ يَمُتُ؞ سَعَنً مُوسَٰى دَ عٜىٰلٜىٰيَظَرْ سُكَ سَوْكَ دَغَ كَنْ تُدُنْ؞ |
|
| 29 |
|
| سَعَدَّ دُكَنْ غِدَنْ إِسْرَٰٓءِيلَ سُكَغَ ثٜىٰ وَ هَٰرُونَ يَمُتُ، سَيْ سُكَيِ مَكُواْكِ دُواْمِنْسَ حَرْ ݣُونَ تَلَاتِنْ؞ |
|
|
|
|