Insay di fɔs mɔnt nain di wanol Izrɛlayt kɔmyuniti rich na di ɛmti land we pɔsin nɔ go ebul tap na Zin ɛn dɛn tap na Kedɛsh. Na de dɛn de we Miriam day ɛn dɛn bɛr am de.
Dɛn se wetin mek dɛn pul dɛn kɔmɔt na Ijipt briŋ dɛn kam na ples we nɔ bɛtɛ. Dɛn se di ples nɔ gɛt ɛni ɔf di tin dɛn we dɛn bin de it na Ijipt ɛn wetin mek i wɔs, wata sɛf nɔ de fɔ drink.
“Tek di wɔkinstik, dɔn yu ɛn yu brɔda Erɔn fɔ lɛ ɔlman gɛda wan ples. Usay dɛn ɔl de luk yu, tɔk to di big ston dɔn i go pul wata. Yu go mek wata kɔmɔt na dis big ston ya we ɔlman na di kɔmyuniti ɛn dɛn animal dɛn go drink.
In ɛn Erɔn gɛda ɔlman bifo di big ston, dɔn Mozis bigin tɔk pan di pipul dɛn. I kɔl dɛn rebɛl ɛn aks dɛn if in ɔ in brɔda fɔ lɛ wata kɔmɔt na di big ston fɔ dɛn.
Bɔt PAPA GƆD tɛl Mozis ɛn Erɔn se, “Bikɔs una nɔ trɔs mi gud, una nɔ mek a fil gud ɛn sho di Izrɛlayt dɛn se a oli, nɔn pan una nɔ go kɛr di pipul dɛn go na di land we a de gi dɛn.
Mozis sɛn mɛsenja dɛn kɔmɔt na Kedɛsh to di Kiŋ na Idɔm. I se mek dɛn tɛl am se in brɔda we na Izrɛl nain sɛn dɛn. I se lɛ i mɛmba ɔl di waala we dɛn na Izrɛl dɔn pas.
bɔt we dɛn kray to PAPA GƆD, i yɛri dɛn ɛn sɛn wan enjɛl we pul dɛn kɔmɔt na Ijipt. I se dɛn fɔ tɛl am se da tɛm de we dɛn de na Kedɛsh so dɛn de nain kɔntri in bɔda,
so dɛn de beg fɔ lɛ dɛn pas insay in kɔntri. I se dɛn fɔ tɛl am se dɛn nɔ go ambɔg natin de ɛn wata sɛf dɛn nɔ go drink nain wɛl dɛn. I se dɛn fɔ tɛl am se na di men rod, dɛn go pas, ɛn dɛn nɔ go bɛn na di lɛf ɔ di rayt te dɛn kɔmɔt insay di kɔntri.
Di Izrɛlayt dɛn tɔk bak se na di men rod nɔmɔ dɛn wan fɔ pas. Dɛn se if ɛniwan pan dɛn ɔ dɛn animal drink wata de, dɛn rɛdi fɔ pe fɔ am as dɛn jɛs want fɔ waka ɛn pas insay in kɔntri.
“Erɔn go day na ya go mit in pipul dɛn. I nɔ go mas fut insay di land we a de gi di Izrɛlayt dɛn, bikɔs una ɔltu nɔ du wetin a tɛl una fɔ du we wata fɔ kɔmɔt na Mɛriba.